ဟိုရောက်ဒီရောက် အတွေးစများ

အင်းအခုတစ်လော ကြားရတဲ့ အမိတိုင်းပြည်နဲ့ ပတ်သက်တဲ့ သတင်းတွေကလည်း တစ်ခုမှမကောင်းပါလားဗျာ။
စင်္ကာပူမှာအိမ်ဖော်လုပ်နေရတဲ့ မြန်မာမလေးတစ်ယောက်က ဘာမှန်းမသိဘဲ ရုတ်တရက်သေဆုံးခဲ့ရတယ်။ မြန်မာအသင်း အဖွဲ့တွေကတော့ တက်နိုင်သလောက် တက်တက်ကြွကြွလှုပ်ရှားနေပေမယ့် မြန်မာသံရုံးကတော့ သူပိုက်ဆံ မရတဲ့ကိစ္စဆိုတော့ အိပ်မောကျနေလေရဲ့။ သူများနိုင်ငံသားတွေအတွက်ကတော့ သက်ဆိုင်ရာသံရုံးဆိုတာ အားကိုးရာ နေရာတဲ့။ ကျွန်တော်တို့သံရုံးကတော့ မျက်နှာဆူပုတ်ပုတ် အခွန်ကောက်ဖို့ကလွဲပြီး ကျန်တာသူတို့ နဲ့မဆိုင်သလိုပါပဲ။

တစ်နေ့တစ်နေ့ စင်္ကာပူကိုလာတဲ့ လေယာဉ်နှစ်စင်းမှာလည်း တို့ရွှေမြန်မာတွေကြီးပါပဲ။ စလုံးတွေကတော့ ဘယ်လောက်ကြိတ်ပြီး ပျော်နေကြမလဲမသိဘူး။ ၀င်ဝင်ချင်းတစ်လ ဗွီဇာပေးတယ် ပြီးတော့ နောက်တစ်လတိုးပေးတယ် ပြီးရင်ပြန်ပေါ့။ အော်တို့ ရွှေတွေခံရတဲ့ ဖက်ကကြီးပါလား။ ၂လအတွင်း အလုပ်ရှာအလုပ်ရအောင်ရှာ မရတော့ ရတဲ့လစာနဲ့ မတန်မရာလုပ်ပေးရ။ လူမျိုး မရှိ၊ ယဉ်ကျေးမှုမရှိတဲ့ ဘာမှန်းမသိတဲ့ စင်္ကာပူရီယန်း ဆိုတဲ့အရိုင်းအစိုင်း ကောင်တွေရဲ့ အနိုင်ကျင့်မှု ညစ်ပတ်မှုတွေနဲ့ လူးလှိမ့်နေတာပဲ။ ဒီကြားထဲ စင်္ကာပူအေးဂျင့်၊ မြန်မာအေးဂျင့်တွေရဲ့ လူမဆန်တဲ့ လုပ်ရပ်တွေကလည်း နေ့တိုင်း မကြားချင်မှအဆုံး။ သံရုံးသွားတိုင်တော့ နင်တို့ဘာ ဖြစ်လို့ ကိုယ့်နိုင်ငံမှာမနေပဲ လျှာရှည်ပြီးလာကြသတုံးတဲ့။

ကဲ..ဒါဆို ကိုယ့်အမိတိုင်းပြည်ကို ပြန်မယ်လေ။ ဒါဆိုဘာလုပ်စားကြမတုန်း? အစိုးရ၀န်ထမ်း လုပ်မလား၊ ပုဂ္ဂုလိက ၀န်ထမ်းလုပ်မလား၊ ကိုယ်ပိုင် စီးပွားရေးလုပ်မလား? အစိုးရ၀န်ထမ်းလုပ်ဖို့က အကပ်ရှိရမယ် ချောဆီထဲ့ရမယ် အင်း အရင်းအနှီးကမသေးဘူး၊ ပဂ္ဂုလိက ၀န်ထမ်းလုပ်ဖို့က ကုမ္ပဏီတွေကလည်း ၀င်ငွေကောင်းရှာတော့ ကိုယ့်ကိုပေးဖို့က တစ်လ ၁ သိန်းဆိုတာ မသေချာဘူး။ လက်ရှိကုန်ဈေး နှုန်းနဲ့ဆိုတော့ လ္ဘက်ရည်ဖိုးတောင်အနိုင်နိုင် ကားခကိုက တစ်ကြောင်းတည်းကို ၃၀၀ ဆိုတော့၊ အဆင်မပြေဘူးဗျ။ ကိုယ်ပိုင် စီးပွားရေး လုပ်ဖို့ကလည်း လ္ဘက်ရည်ဆိုင်တောင် သိန်း ရာဂဏန်းအနဲဆုံးမရှိရင် အလုပ်မဖြစ် ဒါတောင်မြတ်မယ်မမြတ်ဘူးဆိုတာ မှန်းလို့မရ။

မြန်မာပြည်က မောင်ဝိတ်နဲ့ အပေါင်းအပါတစ်စု အဖမ်းခံရတယ် ဒါပေမယ့် မောင်ဝိတ်ကို မူးယစ်ဆေးရောင်းဝယ်မှုကနေ သာမာန်ဆေးသုံးစွဲမှုဖြစ်သွားတယ် (မည်သို့လုပ်လိုက်သည်မသိ) သူ့နေရာမှာ မလေးရှားနိုင်ငံသား ပီတာကို ထိုးထဲ့လိုက်တယ်။ အင်း..မြန်မာပြည်ဥပဒေ လုပ်ချင်သလိုလုပ်နေကြတာ ကမ္ဘာမှာ မြန်မာဟေ့လို့ အကောင်းနဲ့ မကြွေးကြော်နိုင်လို့ အဆိုးနဲ့ စံချိန်တင်မလို့များ လုပ်နေသလားထင်ရတယ်။

Print this post

1 comments:

Anonymous said...

အကို စာရေးတာကောင်းသားပဲ မဆိုးပါဘူး ဟီး ဟီး ကျနော်ကိုတော့ မမှီသေးဘူး :D