မျိုးဆက်တဆက်စာ ရင်းလိုက်ရပြီ

Friday, 28 November 2008 19:21 ရဲနည် | irrawaddy

သံဃာတော်များ၊ လူမှုရေးလုပ်ငန်း လုပ်ဆောင်နေသူများ၊ ရှေ့နေများနှင့် အမျိုးသမီးများ အပါအဝင် မြန်မာ့ ဒီမိုကရေစီ အရေးအတွက် ကြိုးပမ်း လှုပ်ရှား နေသူများကို နှစ်ရှည် ထောင်ဒဏ်များ ချမှတ်ခြင်း၊ ဝေးလံသော အရပ်များသို့ ရွှေ့ဆိုင်းထောင်ချခြင်းများ ပြုလုပ်လိုက်ခြင်းက စစ်အစိုးရအနေနှင့် မြန်မာပြည် ကောင်းရာ ကောင်းကျိုးအတွက် ဆောင်ရွက်နေသူများကို နောက်ဆုံး စော်ကားလိုက်ခြင်း ဖြစ်သည်။

ဗိုလ်ချုပ်မှူးကြီးသန်းရွှေက ပြည်သူလူထုကို စစ်အစိုးရ၏ လမ်းပြမြေပုံ ၇ ချက်အား ဖိအားပေး ထောက်ခံ ခိုင်းကာ ငြိမ်းချမ်းသာယာ၍ ခေတ်မီဖွံ့ဖြိုးတိုးတက်သော နိုင်ငံတော်သစ်ကြီး တည်ဆောက်မည်ဟု ပြောနေရင်းက ဒီမိုကရေစီအရေး ဆောင်ရွက်နေသူများကို နှစ်ရှည်ထောင်ဒဏ်များ ချမှတ်သည့်အပေါ် နိုင်ငံတကာ အသိုင်းအဝန်း၏ တုန့်ပြန်ချက်က အားနည်းလျော့ပါးလွန်းလှသည်။

ယခင်တပတ်က ကျင်းပခဲ့သည့် ကမ္ဘာ့ကုလသမဂ္ဂအထွေထွေညီလာခံ တတိယကော်မတီ အစည်းအဝေးတွင် မြန်မာပြည် လူ့အခွင့်အရေးချိုးဖောက်မှုနှင့် ပတ်သက်၍ ကြေညာချက်တစောင် ထုတ်ပြန်နိုင်ခဲ့သော်လည်း ယင်းကြေညာချက်အတွက် မဲခွဲဆုံးဖြတ်ရာ ထောက်ခံမဲ ၈၉ မဲ၊ ကန့်ကွက်မဲ ၂၉ နှင့် ကြားနေ ၆၃ မဲ ရရှိခဲ့ သည်ကိုကြည့်ခြင်းဖြင့် မြန်မာစစ်အစိုးရအပေါ် နိုင်ငံတကာမိသားစုက ခိုင်မာ ညီညွတ်သည့် ရာဇသံ ပေးနိုင်ခြင်း မရှိကြောင်း ပြညွှန်းနေသည်။

တချိန်တည်းတွင် အာဆီယံ ဒေသတွင်းနိုင်ငံများသည်လည်း မြန်မာစစ်အစိုးရ၏ လတ်တလော ဖမ်းဆီး ထောင်ချမှုများနှင့် ပတ်သက်၍ ရေငုံနှုတ်ပိတ်နေသည့်ပြင် အိမ်နီးချင်း ၂ နိုင်ငံဖြစ်သည့် တရုတ်နှင့် အိန္ဒိယ နိုင်ငံများကလည်း မြန်မာပြည် ဒီမိုကရေစီအရေးကို ထောက်ခံဖို့ နေနေသာသာ ၎င်းတို့၏ အကျိုးစီးပွား အတွက် စစ်အစိုးရနှင့် ပူးပေါင်းခွင့်ရရေးကိုသာ ကြိုးပမ်းနေကြသည်။

တရုတ်ပြည်က လာမည့် ၂၀၀၉ တွင် ရခိုင်ပြည်နယ်မှတဆင့် ယူနန်ထိ ရေနံပိုက်လိုင်း တည်ဆောက် တော့မည် ဖြစ်ကြောင်း သတင်းများထုတ်ပြန် ထားပြီးဖြစ်သည်။ တချိန်တည်းတွင် အိန္ဒိယကလည်း ယခုအခါ စစ်တွေ ဆိပ်ကမ်း တည်ဆောက်ရန် ကံထရိုက်စာချုပ်ချုပ်ဆို ပြီးပြီဖြစ်သည်။

အမေရိကန်နှင့် ဥရောပနိုင်ငံများက မြန်မာစစ်အစိုးရကို စီးပွားရေးပိတ်ဆို့ အရေးယူမှုများ ပြုလုပ်သည် ဆိုသော်လည်း အမေရိကန် အိမ်ဖြူတော်အနေနှင့် လတ်တလော မြန်မာ့အရေးကို လှည့်ကြည့်နိုင်မည့် အနေအထား မရှိနိုင်ပေ။ အဘယ်ကြောင့်ဆိုသော် ၎င်းတို့ရင်ဆိုင်နေရသည့် ကမ္ဘာ့စီးပွားပျက်ကပ် ကိစ္စ ဖြေရှင်းရန်၊ အစိုးရသစ်အပ်နှင်းရန်နှင့် အာဖဂန်နစ္စတန်နှင့် အီရတ် ပြဿနာများဖြေရှင်းရေးက ပိုမို အရေးကြီး သည့်ကိစ္စရပ်များ ဖြစ်နေပေသည်။

မည်သို့ပင်ဖြစ်စေ အမေရိကန်အခြေစိုက် မြန်မာပြည် လူ့အခွင့်အရေးရရှိရေးအတွက် လှုံ့ဆော် မဲဆွယ် နေသူများကမူ အမေရိကန်သမ္မတသစ် အိုဘားမားနှင့် ၎င်း၏ အစိုးရသစ်အနေနှင့် နိုင်ငံခြားရေး မူဝါဒကို ဦးစားပေးလုပ်ဆောင်လိမ့်မည်ဟု မျှော်လင့်နေကြသည်။ ထိုကိစ္စရပ်ကိုတော့ စောင့်ကြည့်ရဦးမည် ဖြစ်ပါသည်။

သို့ရာတွင် နိုင်ငံရေးကျွမ်းကျင်သူများ ဆိုသည့် ပညာ့အိုးကွဲများကတော့ “ဘာမှမရှိတာထက်စာရင် တခုခု ရှိတာက ပိုကောင်းပါတယ်” ဟူ၍ စိတ်ပျက်စရာ ပြောဆိုနေဆဲဖြစ်သည်။ ထိုသူတို့၏ ပြောဆိုမှုများက မြန်မာပြည်ကြီး အမှောင်မိုက်ဆုံး ကာလကို ချဉ်းကပ်နေပြီဟု ညွှန်ပြနေသည့်အလားပင်။

သူတို့ကပဲ ဒေါ်အောင်ဆန်းစုကြည်နှင့် ၈၈ မျိုးဆက် ကျောင်းသားခေါင်းဆောင်များကို အနှစ် ၂၀ အတွင်း မဟာဗျူဟာကျသော ကျဆုံးမှုကို ဆောင်ကျဉ်းခဲ့သူများဟု ပြင်းပြင်းထန်ထန် ဝေဖန်ကြပြန်သည်။

ထိုပညာ့အိုးကွဲများက ၂၀၁၀ ရွေးကောက်ပွဲကို ဖြတ်သမ်းကာ စစ်ဗိုလ်ချုပ်များချမှတ်ထားသည့် အခြေခံ ဥပဒေသစ်အောက်၌ အောင်မြင်သည့် အခွင့်အလမ်းတခု ပွင့်နိုင်သည်ဟု ယုံကြည်နေကြသည်။

အမှန်က နေပြည်တော်ရှိ စစ်ဗိုလ်ချုပ်များမှာ ပြည်သူလူထုကို အာဏာခွဲပေးဖို့ နေနေသာသာ ၎င်းတို့ အချင်းချင်းပင် ခွဲဝေယူရန် မလောက်မင ဖြစ်နေဆဲရှိသေးသည်။

တချိန်တည်းတွင် လက်တွေ့ကျသူများဟု မိမိကိုယ်မိမိ ပြောနေသူများကလည်း မြန်မာ့နိုင်ငံရေးကို အတွင်း နှင့် အပြင် ဟူ၍ ခွဲခြားကာ ပြည်ပ (အပြင်) မှ အတိုက်အခံများကို စစ်အစိုးရအပေါ်ဝေဖန်ရုံသာ တတ်နိုင်ပြီး ပြည်တွင်း (အတွင်း) ရှိ ပြည်သူလူထု နေ့စဉ်ခံစားနေရသည့် ဝေဒနာများကို အဖြစ်မှန်အတိုင်း မသိရှိသူများ ဟု စွပ်စွဲပြောဆို နေပြန်သည်။

သေချာသည်ကတော့ လတ်တလော ထောင်ဒဏ် ၆၅ နှစ် ချမှတ်ခံထားရသည့် ဒီမိုကရေစီအရေး ကြိုးပမ်းသူ တို့ကသာ အတွင်း နှင့် အပြင် ဟူသော ဝေါဟာရများကို အမှန်တကယ် သိရှိသူများ ဖြစ်ပေလိမ့်မည်။ တနေ့တနေ့ မှောင်မိုက်စိုစွတ် ညစ်ပတ်ပေရေလှသော ကြိုးတိုက်ခန်းထဲတွင် နိုးထကာ အချိန်များစွာကို ကျော်ဖြတ်နေရသည့် သူတို့လောက် အတွင်းနှင့်အပြင် ခြားနားချက်ကို မည်သူမှ သိနိုင်လိမ့်မည် မဟုတ်ပေ။

လက်ရှိအခြေအနေအရ ရွေးစရာလမ်းလုံးဝမရှိ။ နိုင်ငံရေးအရ လမ်းပိတ်နေသည့် ယခု အနေအထားတွင် တွေ့ဆုံ ဆွေးနွေး ညှိနှိုင်း အဖြေရှာခြင်းကသာ တခုတည်းသော ဖြေရှင်းရန်နည်းလမ်းဟု မြင်ပါသည်။

မြန်မာပြည်သူလူထုက ဒီမိုကရေစီ အရုဏ်ဦးကို မနက်ဖြန်တွင် မြင်ရလိမ့်မည်မဟုတ် ဆိုသည်ကို နားလည် ထားပြီးဖြစ်သည်။ ကုလသမဂ္ဂ အထူးကိုယ်စားလှယ် မစ္စတာအိုဟေးကင်တနာ၏ စကားအတိုင်း ပြောရလျှင် “ဒီမိုကရေစီဆိုတာ တညတည်းနဲ့ ရနိုင်တဲ့အရာမဟုတ်ဘူး။ မျိုးဆက်နဲ့ချီပြီးကို စောင့်ရမှာ” ဟု ဆိုရမည် ဖြစ်သည်။

ယနေ့အချိန်တွင် ငယ်ရွယ် နုပျိုပြီး ဥာဏ်ပညာနှင့်ပြည့်စုံသော မျိုးဆက်သစ် ခေါင်းဆောင် များကို ကမ္ဘာက အလိုရှိနေသည်မှာ အမေရိကန်သမ္မတ အိုဘားမားက သက်သေဖြစ်သည်။ “အပြောင်းအလဲ” ဆိုသည့် စကားလုံးကိုလည်း ကမ္ဘာ့လူထုက မျှော်လင့်တကြီးဖြင့် ပြောဆိုနေကြပြီ။

သို့ရာတွင် မြန်မာပြည်၏ မျိုးဆက်သစ် ခေါင်းဆောင်ဖြစ်သင့်သူများကတော့ လမ်းမပေါ်တွင် အသတ်ခံရ၊ နှစ်ရှည် ထောင်ချခံရ၊ ထွက်ပြေး တိမ်းရှောင် ပုန်းခိုရနှင့် ရုန်းကန်နေရဆဲ ဖြစ်သည်။

ထိုသို့ ပြင်းထန်သော ထောင်ဒဏ်များ ချမှတ်ခံရသည့်တိုင်အောင် ထိုသူတို့က လုံးဝ ဒူးထောက် အရှုံးပေး လိမ့်မည်မဟုတ်ပေ။ စစ်အစိုးရ၏ တရားရုံးက ထောင်ဒဏ် များချမှတ်ပြီးချိန်တွင် ၆၅ နှစ် ထောင်ဒဏ် သတ်မှတ်ခံရသူ ၈၈ မျိုးဆက်ကျောင်းသားခေါင်းဆောင် တဦးဖြစ်သည့် ကိုမင်းဇေယျက မကြောက်မရွံ့ ကြွေးကြော်ခဲ့သည်ကို အားလုံးသိပြီး ဖြစ်သည်။

“၆၅ နှစ်ထဲလားကွ” ဟု သူ ကြွေးကြော်ခဲ့ပြီ။

ကမ္ဘာကြီးက အရှေ့သို့ရွေ့လျားနေပါသည်။ လူသားအားလုံး မိမိလုပ်ဆောင်စရာ ရှိသည်တို့ကို နေ့စဉ် လုပ်ဆောင်နေရပါလိမ့်မည် …။ သို့သော် ရဲရင့်ကာ သတ္တိနှင့် ပြည့်စုံသော အကျဉ်းကျခံနေရသည့် မြန်မာနိုင်ငံ ကောင်းရာကောင်းကျိုးအတွက် ဆောင်ရွက်နေသူများကိုတော့ မမေ့မလျှော့သင့်၊ ထို့ပြင် မှောင်ပိန်းသော နံရံလေးဘက်အလယ်တွင် သူတို့ကို သေဆုံးခွင့် မပြုသင့်ဟု ဆိုချင်ပါသည်။

[+/-]Read More...

[+/-]Summary only...

Dance Off with the Star Wars Stars 2008

Am I the only one that thinks that this is absolutely awesome? This show took place last June during the Star Wars Weekends at Disney’s Hollywood Studios. Be sure to watch it till the end, unless you don’t mind missing Lord Vader’s awesome performance.

[+/-]Read More...

[+/-]Summary only...

အီလက်ထရွန်းနစ်၊ အနှစ် ၂၀ နှင့် စိတ်မကောင်းခြင်းများစွာ

အေးချမ်းမြေ့ (ဧရာဝတီ)

သတင်း ကြားကြားချင်း အားလုံးက တောက်ခေါက်ကြသည်။ စိတ်မကောင်း ဖြစ်သည် ဆိုသည့် စကားဖြင့် မလုံလောက်တော့၊ ဘယ်လို စကားလုံးမျိုးနှင့် မှလည်း ဖော်ပြရန် မစွမ်းတော့ကြောင်း ပြောဆို နေကြသည်။ အနှစ် ၂၀ ဆိုသည့် သတင်း က တောမီးပျံ့သလို တကမ္ဘာလုံးမှာရှိသည့် မြန်မာများထံကို မိနစ်ပိုင်း နာရီပိုင်းအတွင်း ပျံ့နှံ့သွားခဲ့သည်။

တနေ့က မြန်မာဘလော့ဂါတဦးဖြစ်သူ ကိုနေဘုန်းလတ်ကို အမိန့်ချသည်။ တနှစ်နီးပါး ချုပ်နှောင်ထားခဲ့ပြီးမှ ချသည့် အမိန့်က ထောင်ဒဏ် အနှစ် ၂၀ ကို ၆ လစွန်းသေးသည်။

ကိုနေဘုန်းလတ်၏ ရင်းနှီးသော သူငယ်ချင်းများ၊ ဘလော့လောကမှ လူချင်း မမြင်ဘူးသော်လည်း စာချင်း ဆက်နွှယ် ရင်းနှီးကြသူများ၊ ဘလော့လောကမှ မဟုတ်သော်လည်း ဘလော့များကို ဝင်ထွက်သွားလာ ဖတ်ရှုနေသော စာဖတ်သူများ အထူးသဖြင့် လူငယ်များအားလုံး အသံတသံတည်း ထွက်လာသည် ထိုအသံက “မတရားလိုက်တာ” ဟူ၍ ဖြစ်သည်။

ကိုနေဘုန်းလတ်မှာ ပျော်ပျော်ရွှင်ရွှင်နေတတ်သည့် လူငယ်တဦးဖြစ်ပြီး လူမှုရေးကိစ္စရပ်များတွင် စိတ်အား ထက်သန်သူ တဦးဖြစ်သည်ဟု စင်ကာပူတွင် နေထိုင်သည့် သူနှင့် ရင်းနှီးသူ သူငယ်ချင်း တဦးကပြောသည်။

“သူက နိုင်ငံရေးသမားလည်း မဟုတ်ဘူး။ မတရားတာကို လက်ပိုက်ကြည့် မနေချင်တဲ့ သူလိုကိုယ်လို လူငယ်တဦးပါ” ဟု ကိုနေဘုန်းလတ်နှင့် ဆုံဖူးသည့် ဘလော့ဂါဂျစ်တူးက ပြောသည်။ ယခုကဲ့သို့ ထောင်ဒဏ် အနှစ် ၂၀ ကျော် ချမှတ်လိုက် ခြင်းက ပြည်တွင်းမှ ဘလော့ဂါများကို ဘာမှ မလုပ်ရဲအောင် ခြောက်လှန့် လိုက်ခြင်း သို့မဟုတ် စိန်ခေါ်လိုက်ခြင်း ဖြစ်နိုင် သည်ဟု သူက ဆက်ပြောသည်။

ကိုနေဘုန်းလတ်ကို နိုင်ငံရေးနှင့်ပတ်သက်၍ ဆက်နွှယ်နေကြောင်း ပြောစရာဆို၍ ၎င်းမှာ အန်အယ်လ်ဒီ လူငယ် တဦးဖြစ် နေသည် ဆိုသည့် အချက်တချက်သာရှိသည်။

သူသည် မြန်မာဘလော့ဂါလောကကို ဦးဆောင်ခဲ့သူတဦးလည်း ဖြစ်သေး၏။ သူ၏ ဘလော့ အမည် “ကျနော်လွတ်ကျသွား တဲ့ မြို့တော်” ကိုအစွဲပြု၍ ဘလော့ဂါ အသိုင်းအဝန်းက သူ့ကို မြို့စားကြီးဟု ခေါ်ကြသည်။

၂၀၀၇ ခုနှစ်အစောပိုင်းကစ၍ မြန်မာဘလော့ဂါများ အလျှို အလျှိုပေါ်လာချိန်တွင် ကိုနေဘုန်းလတ်၏ www.nayphonelatt.blogspot.com ဆိုသည့် ဘလော့တခု မြန်မာဘလော့ဂါများ ကြားတွင် ရေပန်းစားလာသည်။ ထိုဘလော့တွင် အနုပညာမြောက်သော ကဗျာများ၊ ရသအက်ဆေးများ၊ ပန်းချီအကြောင်းနှင့် ဓာတ်ပုံများကို တွေ့မြင် ဖတ်ရှုရသည်။

ကိုနေဘုန်းလတ်က အနုပညာကို ခုံမင်မြတ်နိုးသူ လူငယ်တဦး ဖြစ်ကြောင်း ရန်ကုန်မြို့တွင်နေထိုင်သော သူနှင့် ရင်းနှီးသည့် ဘလော့ဂါသူငယ်ချင်းတဦးကပြောသည်။

“သူနဲ့ကျနော် ပေါင်းလာတဲ့ ၁ နှစ်လောက်သက်တမ်းမှာ သူစိတ်ဆိုးတာ၊ စိတ်တိုတာ တခါမှမတွေ့ဖူးဘူး။ သူငယ်ချင်းတွေနဲ့ ပတ်သက်ရင် အနာခံစရာရှိ သူပဲခံတယ်” ဟု ၎င်းကဆိုသည်။ အင်တာနက်အသုံးပြုသူ များအကြား ဘလော့ဟူသည့် အသုံးအနှုန်း ပျံ့နှံ့ တွင်ကျယ်စေရန် ဦးဆောင်ခဲ့သူ တဦးလည်း ဖြစ်သည်ဟု ၎င်းက ဆက်ပြောသည်။

၂၀၀၇ စက်တင်ဘာ သံဃာ့အရေးတော်ပုံ မတိုင်ခင်နှင့် ၎င်း နောက်ပိုင်းတွင် နိုင်ငံရေး သီးသန့် ဘလော့များ ပေါ်လာခဲ့သော် လည်း ကိုနေဘုန်းလတ် ဘလော့တွင် နိုင်ငံရေးနှင့် ပတ်သက်သည့် အရိပ်အမြွက်မျှပင် မတွေ့ကြရ။

ကိုနေဘုန်းလတ်ကို မြန်မာစစ်အစိုးရက ယခုနှစ် ဇန်နဝါရီလကုန်ပိုင်းတွင် ဖမ်းဆီးခဲ့ပြီး ယခု တနှစ်နီးပါး ကြာမှ အမိန့်ချမှတ် ခဲ့ခြင်းဖြစ်သည်။ ထိုသို့အမိန့်ချမှတ်ရာတွင် သူကျခံရမည့် ထောင်ဒဏ် နှစ် ၂၀ နှင့် ၆ လ အနက် အီလက်ထရွန်းနစ် ပုဒ်မ အတွက် ၁၅ နှစ်၊ ဗီဒီယိုအက်ဥပဒေ ပုဒ်မ ၃၂ (ခ) ၃၆ အရ ၃ နှစ်နှင့် ၆ လ၊ နှင့် အများပြည်သူဆူပူအောင် လှုံ့ဆော်မှု ပုဒ်မ ၅၀၅ (ခ) အတွက် ၂ နှစ် တို့ဖြစ်ကြောင်း ၎င်း၏ မိခင်ဖြစ်သူက ရှင်းပြသည်။

“ကမ္ဘာအရပ်ရပ်မှာ နည်းပညာနဲ့ ဆက်သွယ်ရေးတွေ ဒီလောက်တိုးတက်ဖွံ့ဖြိုးနေတဲ့အချိန်မှာ မြန်မာနိုင်ငံက အီလက်ထရွန်း နစ်ပုဒ်မ ဆိုပြီး လူသတ်မှုလောက် ပြင်းပြင်းထန်ထန် စွဲချက်တင် အမိန့်ချတာကတော့ မတရားသဖြင့် လွန်လွန်းပါတယ်” ဟု စင်ကာပူတွင် အလုပ်လုပ်နေသော မြန်မာဘလော့ဂါ တဦးက ပြောသည်။

ကိုနေဘုန်းလတ်ကို ဖမ်းဆီးစဉ်က ၎င်း၏ အီးမေးလ်များတွင် ဗိုလ်ချုပ်မှူးကြီး သန်းရွှေကို နောက်ပြောင်ထားသည့် ကာတွန်း ပုံများတွေ့ရှိသောကြောင့် အီလက်ထရွန်းနစ်ဥပဒေနှင့်ညိစွန်းခဲ့ကြောင်း ကြားသိရသည်။ ထို့ပြင် ၎င်းထံတွင် သီးလေးသီး အငြိမ့်ခွေတွေ့ရှိသောကြောင့် ဗီဒီယိုအက်ဥပဒေနှင့် ငြိစွန်းသည်ဟုလည်း အလွတ်သဘော ပြောဆိုနေကြသည်။

“ဗီဒီယိုအက်နဲ့စွဲမယ်ဆိုရင်တော့ ရန်ကုန်မြို့ပေါ်မှာ ပွထနေတဲ့ ဒီဗီဒီအရောင်းဆိုင်တွေ အားလုံးကို ဖမ်းရမှာ။ အဲဒါတွေကျ တော့ လိုင်းကြေးပေးထားလို့ ပေါ်တင်ပဲ ရောင်းနေကြတာ” ဟု ရန်ကုန်အခြေစိုက် သတင်း ထောက် တဦးကပြောသည်။

မနေ့ကလည်း ၈၈ မျိုးဆက်ကျောင်းသားခေါင်းဆောင် ၁၄ ဦးကို ထောင်ဒဏ် ၆၅ နှစ်စီချမှတ်လိုက်ရာ ကမ္ဘာ အရပ်ရပ်တွင် ရောက်ရှိနေသော မြန်မာများ အံ့အားတသင့် ဖြစ်ခဲ့ကြရပြန်သည်။

“၆၅ နှစ်စီဆိုတာ အီလက်ထရွန်းနစ် ပုဒ်မ ၄ ခုစီက တခုကို ၁၅ နှစ်နဲ့ နှစ် ၆၀။ နောက် ၅ နှစ်က အသင်းအဖွဲ့ပုဒ်မအတွက် တဲ့” ဟု မစုစုနွေးကို အကျိုးဆောင်ပေးနေသည့် ရှေ့နေ ဒေါ်ခင်ဌေးကြွယ်က ပြောသည်။

အီလက်ထရွန်းနစ် ဥပဒေဆိုသည်မှာ အင်တာနက်အီးမေးလ်ကို အသုံးပြု၍ တရားမဝင်ဟု စစ်အစိုးရက သတ်မှတ်သော စာများ ပုံများပို့ကာ တဦးနှင့်တဦးဆက်သွယ်လျှင် ငြိစွန်းမည့် ပုဒ်မဖြစ်ကြောင်း ၎င်းက ရှင်းပြသည်။

“အီလက်ထရွန်းနစ်ဆိုတာက လူတိုင်းသုံးနေကြတာပဲ။ နည်းပညာကိုသုံးနေကြတာ။ ဒီနည်းပညာနဲ့ ဘယ်လောက်ထိ အကျိုး ယုတ်သွားလဲ။ ဘယ်သူတွေကို ထိခိုက်လဲဆိုတာ ကြည့်သင့်တယ်။ ထိခိုက်တဲ့ အကြောင်းအရာ မပြနိုင်ဘူး ဆိုရင်တော့ ဒီနည်းပညာကိုသုံးလို့ ဒီလို အပြစ်ဒဏ်ချတာမျိုး မလုပ်သင့်ပါဘူး” ဟု ဒေါ်ခင်ဌေးကြွယ်က သုံးသပ်သည်။

“အီလက်ထရွန်းနစ် ပုဒ်မက ဒီလောက်တောင် ကြီးလေးနေတာ တိုင်းပြည်အနာဂတ်အတွက် မကောင်းဘူး ဗျ။ ဒီတိုင်းဆို လူငယ်တွေ အင်တာနက်ဆိုတာကိုတောင် ရဲရဲ ကြည့်ရဲတော့မှာ မဟုတ်ဘူး” ဟု ရန်ကုန်တွင် နေထိုင်သည့် ကွန်ပျူတာ တက္ကသိုလ်ဆင်း လူငယ်တဦးကပြောသည်။

စစ်အစိုးရအနေနှင့် သတင်းနှင့်ဆက်သွယ်ရေး နည်းပညာပိုင်းကိုသွားနေသည်ဟု အစဉ်ပြောကြားနေသော်လည်း အပြော နှင့်အလုပ်မညီညွတ်ဘဲ ယခုကဲ့သို့ လူငယ်များ၏ အနာဂတ်ကို အညွန့်ချိုးနေခြင်းမှာ လုံးဝ မဖြစ်သင့်ကြောင်း ၎င်းက ဆက်ပြောသည်။

“ဒါ လူတွေကို အညွန့်ချိုးဖို့ သက်သက်လုပ်ထားတဲ့ ပါးစပ်ဥပဒေပဲလို့ ကျနော်တော့ မြင်တယ်” ဟု သူက သုံး သပ်သည်။

[+/-]Read More...

[+/-]Summary only...

စင်္ကာပူညစ်သမျှ

မြန်မာကျူးပစ်မှ ကိုအရိုးရဲ့ စင်္ကာပူအစိုးရအပေါ် အမြင်လေးပါ

စလုံးရဲ. Case by case ဆိုတာ သူတို. အစိုးရလုပ်ချင်ရာလုပ်ဖို. ချန်ထားတဲ့အကွက်ပဲ။ သူများနိုင်ငံတွေလို တပြေးညီစစ်ဆေးတာမျိုးမဟုတ်တော့ဘူး။ သူတို.လုပ်ချင်သလို လုပ်မယ်ဆိုတာ မျိုး ဆိုတာ မြင်လာရတယ်။
ကျွန်တော်တို.နဲ. လက်အလှမ်းဝေးတော့ ပြောဖို.က ခက်တယ်။ Immigration Rules တွေက အလုပ်ရပြီးသားလူကိုတောင် Spass မချပေးလောက်အောင် ချန်ထားလို.ရသလား။ ဒါဟာ ဘယ်လိုမှ လွတ်လပ်တရားမျှတမှုမရှိတော့ဘူး။ အလုပ်ရပြီးသားလူတစ်ယောက်အတွက်တော့ နေထိုင်ခွင့်ပေးကို ပေးသင့်တယ်။ တကယ်လို. သူတို. မကျေနပ်ရင် စလုံးလုပ်ငန်းရှင်တွေကို နိုင်ငံခြားသား မငှားဖို. လုပ်ခိုင်းသင့်တယ်။ ( ဒါမှမဟုတ် Incentives တွေပေးပေါ့ ) အခုတော့ လုပ်ချင်တိုင်းတွေလုပ်နေတယ်။ အကောင့်တန်.အလုပ်တွေကို Spass မပေးချင်တော့ဘူးဆိုရင် တရားဝင်ကျေညာချက်ထုတ်လိုက်ပါ။ စင်္ကာပူမှာ ဒီအလုပ်တွေကိုတော့ဖြင့် နိုင်ငံခြားသားတွေ လုပ်ကိုင်ခွင့်ပေးတော့မှာ မဟုတ်ပါဘူးဆိုတာမျိုး။ အစိုးရဆိုပြီး လုပ်ချင်တိုင်းလုပ်နေလို. ရမလား။ ကိုယ်လုပ်လိုက်လို. ကျန်တဲ့သူတွေ ဘယ်လို ဖြစ်သွားမလဲ စဉ်းစားရဦးမှာပေါ့။ ပွင့်လင်းမှုရှိဖို.လိုနေတယ်။

အင်မီဂရေးရှင်းကနေ လှည့်ပြန်ခိုင်းတဲ့က်ိစ္စမှာ မြန်မာအစိုးရဘက်ကနေ stand up လုပ် ပြောသင့်တယ်။ ဒါသက်သက်မဲ့ အနိုင်ကျင့်တာပဲ။ သူတို. ကိုယ်တိုင်က ကျေနပ်လို. ဗီဇာပေးပြီးသား။ ဘာမှ လေဆိပ်မှာ တခြား ကြီးမားတဲ့ အကြောင်းပြချက်တစ်ခုမပေးပဲ ပြန်လွှတ်စရာ မရှိဘူး။ သူတို. မကျေနပ်ရင် အစကတည်းက ဗီဇာမပေးနဲ.။ ဒါမှမဟုတ် လည်ပတ်ဗီဇာတွေကို လိုအပ်ချက်တွေ မြှင့်လိုက်။ ဘဏ်အကောင့်တွေ တိုးပြခိုင်းလိုက်။ ဘာလဲဗျ။ လူတွေကို ကိုယ်ချင်းစာစိတ်မရှိတာ။

အစိုးရဖြစ်တိုင်း လုပ်ချင်တိုင်းလုပ်နေတာ အဓိပ္ပါယ်မရှိဘူး။ အထက်ပါ အဖြစ်အပျက် ၂ ခုလုံးမှာ တရားဝင် ရပိုင်ခွင့်တွေထဲက စင်္ကာပူအစိုးရရဲ. ပွင့်လင့်ရိုးသားမှုမရှိပဲ အနိုင်ကျင့်မှုပဲ။ အခက်အခဲတွေ.နေတာ ကျွန်တော်မသိလို. မဟုတ်။ သိတယ်။ အစကတည်းက ပေါ်လစီပိုင်းညံ့ဖြင်းမှု ၊ လူထုကို ထုတ်ပြောခြင်းမရှိမှုတွေက သိပ်လွန်တယ်။ အစိုးရတစ်ရပ်အနေနဲ. သူတို. ကိုယ်တွယ်မဲ့ ပေါ်လစီကို တပြေးညီဖြစ်အောင် လုပ်ထားသင့်တယ်။ အစကတည်းက မလိုချင်ဘူးဆို ကျေညာချက်ထုတ်လိုက်။ ပေါ်လစီအသစ်တွေ ရေးဆွဲပြီး ကန်.သတ်လိုက်။

ငါက အထက်စီးကပဲ၊ လုပ်ချင်ရာလုပ်မဲ့ဆိုတဲ့ အမူအကျင့်တွေ လွန်လွန်းနေပြီ။ တကယ်ဖြစ်သင့်တာက ကျုပ်တို. စလုံးမှာဖြင့် အလုပ်လက်မဲ့တွေများလာပြီ။ စီးပွားရေးလဲ မကောင်းတော့ဘူး။ ဒါကြောင့် နိုင်ငံခြားသား အလုပ်သမားတွေကို ကန်.သတ်ရတော့မယ်၊ ကန်.သတ်ဖို.အတွက်တော့ဖြင့် မည်သည့် အလုပ်မျိုးကိုတော့ Spass မချပေးနိုင်တော့ပါဘူး ဆိုပြီး တရားဝင်ကျေညာလိုက်ပေါ့။ လေဆိပ်ကပြသနာကတော့ စင်္ကာပူသံရုံးတွေမှာ အလည်အပတ်ဗီဇာတွေကို ခက်ပစ်လိုက်ပေါ့။ သူတို.က လူတစ်ယောက်လုံး ငွေကြေးအရင်းအနှီး၊ အချိန်အရင်းအနှီး။ opportunity အရင်းအနှီးတွေ ပေးဆပ်ပြီးမှ ဒါတွေလုပ်ရတယ်ဆိုတာ ထည့်မစဉ်းစားပေးတာ။ လွန်တယ်။

အခုတော့ မျက်နှာပန်းလှအောင် သူတို.ကပဲ နိုင်ငံခြားသားတွေအတွက် အခွင့်အရေး တစ်ရပ်လို လုပ်နေပြီး (သူတို.ပဲ နိုင်ငံခြားသားဦးနှောက်တွေ ဖောက်စားနေပြီး ) အခုလို တာဝန်မဲ့ လုပ်ရပ်တွေလုပ်တာ လုံးဝရပ်တန်းကရပ်သင့်ပြီ။ ပေါ်လစီကို တပြေးညီ ဆက်ဆံနိုင်အောင် ကျင့်ကြံပြီး ပိုပြီး ပွင့်လင်းစွာ ချမှတ်သင့်ပြီ။

အရိုး

[+/-]Read More...

[+/-]Summary only...

ဘယ်သူက ကျူးကျော်တာလဲ

(အဏ္ဏ၀ါစစ်သည် တစ်ဦးအမည်နဲ့ အခုဖြစ်ပေါ်နေတဲ့ ဘင်္ဂလားဒေ့ရ်ှနဲ့ နယ်နမိတ်ပြဿနာအပေါ် သုံးသပ်ချက်ဖြစ်ပါတယ်။ ကျွန်တော်တို့ မသိသေးတဲ့ သမိုင်းအချက်တွေပါတာမို့ ဝေငှဖော်ပြပေးလိုက်ပါတယ်။ စာရေးသူရဲ့ ခွင့်ပြုချက်အရ မူရင်း ဆိုလိုချက်ကို မထိခိုက်စေဘဲ စာချောအောင် ပြင်ထားပေးပါတယ်။)

ပင်စင်စားဘ၀တွင် ကျွန်တော်တို့အတွက် အကောင်းဆုံးအဖော်မှာ ရေဒီယိုသာဖြစ်ပါသည်။ မနက်လမ်းလျှောက် ချိန်တွင်လည်း ရေဒီယိုက အဖော်ဖြစ်သည်။ ညဘက်သားသမီးတွေ၊ မြေးတွေက ကိုရီးယားကား ကြည့်တော့လဲ ရေဒီယို ကိုသာအဖော်လုပ်ရသည်။ နိုင်ငံတကာသတင်း၊ မြန်မာသတင်းတွေ စိတ်ဝင်းစားမှန်းသိသည့် မြေးအကြီးကောင်က ကျွန်တော်သိချင်တာတွေကို အင်တာနက်က ထုတ်လာပေးသည်။ ဒီလိုနဲ့ မြန်မာနှင့် ဘင်္ဂလားဒေ့ရ်ှအကြား ရေပိုင်နက် အငြင်းပွားမှု အကြောင်းကြားရတော့ ရေတပ်ပိုးက ပြန်ထ လာသည်။ ထို့ကြောင့် မြေးကြီးကို အင်တာနက်ပေါ်က သတင်းတွေ စုခိုင်းရသည်။ ဒါတွေဖတ်လိုက်တော့ နိုင်ငံတကာမီဒီယာတွေမှာ မြန်မာဘက်ကဘဲ ကျူးကျော်လို့ ဘင်္ဂလားဒေ့ရ်ှက ရေတပ်လွှတ်ပြီး တားဆီးရသည်ဆိုသည့် သဘောရေးထားသည်ကို တွေ့ရသည်။ မြန်မာတစ်ချို့က လည်း သံယောင်လိုက်ပြီး အစိုးရကို ပုတ်ခတ်ရေးသားကြသည်။ ကျွန်တော်တို့ ကိုယ်တွေ့ပါဝင် လာခဲ့ရသော အဖြစ် အပျက်များ၊ သမိုင်းအချက်အလက်များနှင့် ကွဲလွဲနေသည်။ မခံချင်စရာကောင်း လိုက်ပါဘိ။ ဤသို့နှင့် မိမိသိသမျှ ချရေးမိသည်။ မြေးကြီးကိုပြတော့ အဖိုးဟာက ဂျာနယ်တွေမှာ ထည့်ပေးမှာမဟုတ်ဘူး။ ကျွန်တော်ဘလော့ဂ် တင်ပေးမယ်ဟု ပြောသည်။ မင်းပို့ချင်တဲ့နေရာပို့၊ ဒီကုလားတွေ ကူလီကူမာကျတာ လူတွေသိဖို့ လိုတယ်ဟု ဆိုရင်း ခွင့်ပြုခဲ့သည်။

ဘင်္ဂလားဒေ့ရ်ှနိုင်ငံသည် ယခင်က အရှေ့ပါကစ္စတန်နိုင်ငံဖြစ်သည်။ ၁၉၇၁ ခုနှစ် အိန္ဒိယ-ပါကစ္စတန်စစ်ပွဲပြီး ၁၉၇၂ နှစ်မှာ ပါကစ္စတန်ကနေ ခွဲထွက်ပြီး ဘင်္ဂလားဒေ့ရ်ှနိုင်ငံဟု ထူထောင်ခဲ့ခြင်း ဖြစ်သည်။ ကျွန်တော်တို့ ဘင်ဂါလီ ကုလားဟုခေါ်သော မူဆလင် ကုလားတွေ အများစုနေသည့် နိုင်ငံဖြစ်သည်။ ပါကစ္စတန်လွတ်လပ်ရေးရပြီးထဲက မြန်မာနှင့် အရှေ့ပါကစ္စတန်ကြားမှ ကုန်းနယ်နမိတ်၊ ရေ နယ်နမိတ်သတ်မှတ်နိုင်ခြင်း မရှိဘဲ ၁၉၉၈ ခုနှစ်မှသာ ကုန်းနယ်နမိတ်ကို သဘောတူ လက်မှတ်ရေးထိုးနိုင်ခဲ့သည်။ ဘင်္ဂလားဒေ့ရ်ှနှင့် မြန်မာအကြား ရေနယ်နမိတ်နှင့် ပတ်သက်ပြီး ၁၉၆၆ ခုနှစ်တွင် နတ်မြစ်၏ နယ်နမိတ်ကို သဘောတူညီခဲ့သော်လည်း ပင်လယ်ပြင်နယ်နမိတ်ကိုမူ ယခုထိသဘော တူညီချက်မရရှိခဲ့ပေ။ ထိုသို့ မရရှိခဲ့ခြင်းမှာလည်း ဘင်္ဂလားဒေ့ရ်ှဘက်မှ ကုလားချွဲချွဲ၊ ကုလားမူမူပြီး ကုတ်ကတ်အရေးဆို နေသော ကြောင့် ဖြစ်သည်။

ကျွန်တော်မှတ်မိသလောက် ၁၉၇၄ ခုနှစ်တွင် ပင်လယ်ပြင်ရေနယ်နမိတ်သတ်မှတ်ရေးနှင့် ပတ်သက်ပြီး အစည်းအဝေးများ စလုပ်ခဲ့၏။ ရေတပ်ကိုယ်စားလှယ်များနှင့် နိုင်ငံခြားရေးဝန်ကြီးဌာနမှ အရာရှိများပါသည်။ ထိုအစည်းအဝေးတွင် မြန်မာဘက်က ပင်လယ်ရေပြင် နယ်နမိတ်သတ်မှတ်ရာတွင် နိုင်ငံတကာမှလက်ခံထားသည့်စနစ်အတိုင်း နတ်မြစ်၏ အလယ်ကို အခြေခံပြီး Median Line Principle မူဖြင့် တိုင်းတာသတ်မှတ်ရန်အဆိုပြုသည်။ နတ်မြစ်နယ်နမိတ်ကို ၁၉၆၆ ခုနှစ်တွင် သဘောတူခဲ့ပြီး ဖြစ်သောကြောင့် အခက်အခဲမရှိနိုင်။ ထိုမူအရဆိုလျှင် True Median Line ဖြစ်သည့် ၂၄၃ ဒီဂရီမျဉ်းအတိုင်း ရေနယ်နမိတ်ကို သတ်မှတ်ရမည်ဖြစ်သည်။

ဤနေရာတွင် ကုလားများက ထုံးစံအတိုင်းငိုပြတော့သည်။ ဘင်္ဂလားဒေ့ရ်ှနိုင်ငံ၏ ပထ၀ီအနေ အထားအရ ကမ်းရိုးတန်းသည် အန္ဒိယနှင့် မြန်မာအကြားတွင် အတွင်းသို့ ခွက်ဝင်နေသည်။ ထို့ကြောင့် အိန္ဒိယကလည်း True Median Line၊ မြန်မာကလည်း True Median Line မူဖြင့် ရေပိုင် နယ်နမိတ်ကို သတ်မှတ်ခဲ့လျှင် ဘင်္ဂလားဒေ့ရ်ှရေပိုင်နက်သည် ကမ်းရိုးတန်းဘက်တွင် ကျယ်ပြီး ပင်လယ်ပြင်ဘက်တွင် စုသွားသည့် ကတော့ပုံသဏ္ဍန်ဖြစ်လိမ့်မည်။ ထိုသို့ဆိုလျှင် ဘင်္ဂလားဒေ့ရ်ှအတွက် စီးပွားရေးနယ်နမိတ် EEZ သတ်မှတ်ရာတွင် အခက်အခဲဖြစ်ပါလိမ့်မည်ဟု လေပျော့နှင့် အသနားခံသည်။ ထို့ကြောင့် မြန်မာဘက်က နှစ်နိုင်ငံချစ်ကြည်ရေးကို အလေးထားသည့် အနေဖြင့် နိုင်ငံတကာစံအရသတ်မှတ်ရမည့် မျဉ်း၏ အရှေ့ဘက်ကျသည့် ၂၂၅ ဒီဂရီမျဉ်းကို ချစ်ကြည်ရေးမျဉ်း Friendship Line အဖြစ်သတ်မှတ်ပေးပါဟု မျက်ရည်ခံထိုးအသနားခံသည်။ ဤသို့ဖြင့် ပင်လယ်ပြင် နယ်နမိတ်သတ်မှတ်ရေးမှာ True Median Line နှင့် Friendship Line ဆိုဘာကို ဆွေးနွေးရင်း အဖြေမရဘဲ ဖြစ်သွားခဲ့ရသည်။ မှတ်မိသလောက်ပြောရလျှင် ၁၉၇၄ ခုနှစ်နှင့် ၁၉၈၆ ခုနှစ်ကြားတွင် အစည်းအဝေး ရှစ်ကြိမ်ထက်မနည်းလုပ်ခဲ့သည်။ အချို့အစည်းအဝေးများကို နိုင်ငံခြားရေးဝန်ကြီးများကိုယ် တိုင်တက်သည်။ အများစုကိုမူ အရာရှိကြီးများအဆင့်တက်သည်။ ကျွန်တော်ကိုယ်တိုင် အစည်းအဝေး နှစ်ကြိမ်ပါခဲ့ဘူး သည်။

တပ်မတော်အစိုးရလက်ထက်တွင် ထိုအစည်းအဝေးများပြန်စသော်လည်း ဘင်ဂါလီကုလားများက တစ်ဆင့် တက်ပြီး မူလ Friendship Line ထက် ရှေ့ဘက်ကျသော ၂၂၈ မျဉ်းကိုပင် အားမနာ လျှာမကျိုး ထပ်တောင်းဖို့ ကြိုးစားသေးသည်။ ဒီလိုနှင့် မြန်မာ-ဘင်္ဂလားဒေ့ရ်ှရေနယ်နမိတ်ပြဿနာကို ဖြေရှင်းနိုင်ခြင်းမရှိပဲဖြစ်ခဲ့ရသည်။သို့သော် မြန်မာဘက်က စိတ်ကောင်းစေတနာရှိမှုကို ဖော်ပြသည့် အနေဖြင့် ရေနံရှာဖွေရေးများလုပ်ရာတွင် ဆွေးနွေးဆဲဖြစ်သည့် ၂၂၅ မျဉ်းနှင့် True Median Line ၂၄၃ မျဉ်းအကြားကို ချန်ထားပြီး ၂၂၅ မျဉ်း၏ အရှေ့ဘက်တွင်သာ ဆောင်ရွက်ခဲ့သည်။ ထိုအတိုင်း နိုင်ငံတကာကို အသိပေးပြီး ရေနံလုပ်ကွက်များကို တင်ဒါခေါ်ခဲ့သည်။ နိ်ုင်ငံတကာ ရေနံကုမ္ပဏီများကလည်း ထိုအခြေအနေများကို လေ့လာပြီးမှ တင်ဒါဆွဲခဲ့ကြသည်။ ထိုတင်ဒါခေါ်မှုသည် ယခုမှ စသည် မဟုတ်။ လွန်ခဲ့သည့် ဆယ့်ငါးနှစ်ကျော်ထဲက စတင်ခဲ့ခြင်းဖြစ်သည်။ လမ်းစဉ်ပါတီခေတ်တုံးကလည်း မြန်မာ့ရေနံက ပြင်သစ်တွင်းတူးစက်များ ငှားပြီး မိမိအစီအစဉ်ဖြင့် ရှာဖွေခဲ့ဘူးသည်။ ယခု မြန်မာဘက်က သဘာဝဓာတ်ငွေ့ရှာဖွေနေသည့် လုပ်ကွက် AD 7 သည် ၂၂၅ မျဉ်း၏ အရှေ့ဘက်တွင် ရှိပြီး မြန်မာနိုင်ငံ၏ သီးသန့် စီးပွားရေးဇုံ EEZ အတွင်း၌ ရှိပေသည်။

ယခုအခါ ဘင်္ဂလားဒေ့ရ်ှနိုင်ငံက မြန်မာနိုင်ငံကရေနံနှင့် ဓာတ်ငွေ့ရှာဖွေနေသော နေရာသည် သူတို့ ပိုင်နက် ဖြစ်သည်ဟု ဆိုပြီး စစ်သဘောင်္များလွှတ်လာသည်။ အင်တာနက်တွင်ဖော်ပြထားသော သတင်းများနှင့် မြေပုံများအရ ဘင်္ဂလားဒေ့ရ်ှက ပြောနေသည့် ရေပိုင်နက်မျဉ်းသည် ယခင်အသနားခံထားသည့် Friendship Line ထက် အရှေ့ဘက်များစွာ ရောက်နေသည်။ မျက်စိထဲ မြင်အောင် ပြောရလျှင် နတ်မြစ်ဝ မြန်မာဘက်ကမ်းမှ တောင်ဘက်တည့်တည့် ဆွဲလိုက်ခြင်းဖြစ်သည်။ နိုင်ငံတကာစံနှင့် ဘယ်လိုမှ မကိုက်သော လုပ်ဆောင်ချက်ဖြစ်သည်။

ဘာဖြစ်လို့ ဘင်ဂါလီကုလားတွေ ဒီလို ဇာတ်လာရှုတ်သလဲဟု မေးခွန်းထုတ်ရန်ရှိသည်။ ပြီးခဲ့သည့် နိုဝင်ဘာ ၁ ရက်နေ့ကစပြီး အမေရိကန်ရေတပ်သဘောင်္တစ်စင်းနှင့် တပ်ဖွဲ့ဝင်များ ဘင်္ဂလားဒေ့ရ်ှနိုင်ငံကို ရောက်ပြီး ပူးတွဲစစ်ရေး လေ့ကျင့်နေသည်။ နတ်မြစ်ဝအနီး ဘင်္ဂလားဒေ့ရ်ှပိုင် ဒေသအခေါ် အုန်းကျွန်းမှာ အမေရိကန်စစ်သဘောင်္များအတွက် ဆိပ်ကမ်းရှိသည်။ အမေရိကန်က မြန်မာနိုင်ငံကို တစ်နည်းမဟုတ်တစ်နည်းဖြင့် ဖိအားပေးချင်သည်။ မြန်မာပြည်တွင်းမှာ၊ နယ်စပ်ဒေသတွေမှာ ပြဿနာတစ်ခုမဟုတ်တစ်ခု ဖြစ်အောင်လုပ်ခြင်းဖြင့် မြန်မာနိုင်ငံသည် ဒေသတွင်းလုံခြုံရေးကို အန္တရာယ် ဖြစ်အောင်လုပ်နေသည်ဟု ပုံဖော်ချင်သည်။ ဘင်္ဂလားဒေ့ရ်ှက မြန်မာစီးပွားရေးဇုံထဲက သဘာဝဓာတ်ငွေ့များကို သွားရေယိုသည်။ အမေရိကန်က မြန်မာနိ်ုင်ငံအနေဖြင့် သဘာဓာတ်ငွေ့မှ ရသောဝင်ငွေဖြင့် စီးပွားရေး တိုးတက်လာမည်ကို မလိုလား။ ဒီတော့ မြန်မာနိုင်ငံနှင့် ရေပိုင်နက်အငြင်းပွားမှု ဇာတ်လမ်းကြီးကို ပူးပေါင်းကြံစည်ကြသည်။ အဖြစ်မှန်က ထိုအတိုင်းသာဖြစ်ပေ၏။

သမိုင်းကို ပြန်ကြည့်လျှင် ဤဘင်ဂါလီကုလားများ မြန်မာနိုင်ငံကို ဒုက္ခပေးခဲ့သည်မှာ အခုမှမဟုတ်။ ဒုတိယ ကမ္ဘာစစ်အပြီး ၁၉၄၆ ခုနှစ်တွင် ကုလားဆိုးခေါ် မူဂျာဟစ်ဒင်သူပုန်တွေက မောင်တောမြို့နယ်အတွင်းဝင်ပြီး ရခိုင်လူမျိုးများကို သတ်ဖြတ်၊ ရွာများကို မီးရှို့ပြီး လွတ်မြောက်သော အစ္စလမ်နိုင်ငံထူထောင်ဖို့ လုပ်ခဲ့သည်။ လွတ်လပ်ရေးရတော့ တပ်မတော်က သနက ၅ ကိုလွှတ်ပြီး မြန်မာ-အရှေ့ပါကစ္စတန် နယ်စပ်တစ်လျှောက် စခန်းတွေ ဆောက်ပြီးနေရာယူထားသည့် မူဂျာဟစ်ဒင်တွေကို တိုက်ခိုက်ခဲ့ရသည်။ ရေတပ်ကလည်း အကူအညီပေးခဲ့ရသည်။ မြန်မာနိုင်ငံတွင် ပထမဆုံး ထသော သူပုန်သည် ကုလားဆိုးသူပုန်ဖြစ်သည်။ ကမ္ဘာပေါ်တွင် ပထမဆုံးပေါ်ပေါက်သည့် အစ္စလမ် အစွန်းရောက်ဝါဒီ မူဂျာဟစ်ဒင်သူပုန်လည်းဖြစ်သည်။ ဘင်အလာဒင်တို့၏ ဘိုးအေဖြစ်သည်ဟုပင် ဆိုနိုင်သည်။ မြန်မာနိုင်ငံတွင် မူဂျာဟစ်ဒင်နောက်မှ ဗကပနဲ့ ကေအင်ယူ သူပုန်ပေါ်လာခြင်းဖြစ်သည်။ ထိုင်းနယ်စပ်မှာ သောင်းကျန်းသူ တွေ အခြေမခံခင်ထဲက ဘင်္ဂလားဒေ့ရ်ှနယ်စပ်တွင် ကုလားဆိုး သူပုန်ရှိခဲ့ပေပြီ။ ယခု ထိုကုလားဆိုးများ ကိုပင် ရိုဟင်ဂျာဟု အမည်ပေးပြီး ဒီမိုကရေစီသူရဲကောင်း စာရင်းထဲထည့်၊ ဒုက္ခသည်သတ်မှတ်နေတာတွေ့ရတော့ တရားကျမိသည်။ လူငယ်တွေ သမိုင်းကို မမေ့ပါနှင့်ဟု သတိပေးလိုသည်။

ထိုထက်ပိုပြီးဆိုးသည်မှာ ဘင်္ဂလားဒေ့ရ်ှဘက်ကလိုက်ပြီး လက်ရှိအစိုးရကို ပုတ်ခတ်ရေးသားထားသော အင်တာနက် ဆောင်းပါးများကို တွေ့ရခြင်းပင် ဖြစ်ပါသည်။ ရေးသူများကလည်း မြန်မာလူငယ်များ ဖြစ်နေသဖြင့် ပိုပြီးရင်နာမိသည်။ လူငယ်များအနေဖြင့် လက်ရှိအစိုးရကို ကြိုက်သည်၊ မကြိုက်သည်ဆိုသည်နှင့် ပတ်သက်ပြီး ကျွန်တော့်အနေဖြင့် ဆွေးနွေးရန်မရှိပါ။ သို့သော် ဘင်္ဂလားဒေ့ရ်ှနှင့် ဖြစ်နေသော ပြဿနာသည် နိုင်ငံ၏ အချုပ်အခြာအာဏာနှင့် နယ်နမိတ်ကိစ္စဖြစ်သည်။ ဘယ်အစိုးရတက်တက် မြန်မာနိုင်ငံ၏နယ်နမိတ်ကိုကာကွယ်ရမည်သာဖြစ်သည်။ စစ်တပ်ကို မကျေနပ်သဖြင့် ဒီကိစ္စမှာဘင်္ဂလားဒေ့ရ်ှဘက်က ထောက်ခံသည် ဆိုလျှင် အမှားကြီးမှားပေမည်။ ဘင်္ဂလားဒေ့ရ်ှ သည် မြန်မာနိုင်ငံတွင် ဒီမိုကရေစီစနစ် ထူထောင်ပေးလိုသဖြင့် ရန်စနေခြင်းမဟုတ်။ မြန်မာပိုင် နယ်မြေကို နိုင်ငံကြီးတစ်နိုင်ငံ၏ ထောက်ခံမှုဖြင့် လုယူရန်ကြိုးစားနေခြင်းဖြစ်သည်။ ဒိမိုကရေစီအစိုးရတက်မှ ဆုံးရှုံးသွားသော နယ်နမိတ်ကို ပြန်တောင်းမည်ဟု သဘောထားရမည့်ကိစ္စမဟုတ်။ ဘယ်သူက ကျူးကျော်နေတာလဲဆိုတာ မှန်မှန်ကန်ကန်သိပြီး အမျိုးသားရေးအတွက် ၀ိုင်းဝန်းလုပ်ဆောင်ရမည့် အချိန်ဖြစ်သည်။

ထိုသို့ပြောခြင်းကြောင့် စစ်တပ်နဲ့လက်တွဲပြီးတိုက်ဖို့ တောင်းဆိုနေသည်ဟု မထင်စေလိုပါ။ အင်တာနက် လူငယ်များ အနေဖြင့် ဘယ်သူ ကျူးကျော်နေသလဲဆိုသည်ကို ဖွင့်ချတိုက်ပွဲဝင်သွားဖို့သာ တိုက်တွန်းလိုပါသည်။ ဆန္ဒစွဲ၊ ပုဂ္ဂိုလ်စွဲတွေ ဘေးဖယ်ပြီး အမျိုးသားရေးဘက်က မှန်မှန် ကန်ကန် ရပ်တည်ကြပါဟု ဆန္ဒပြုအပ်ပါသည်။

အဏ္ဏ၀ါစစ်သည်

[+/-]Read More...

[+/-]Summary only...

ဂုဏ်ယူဖွယ်ရာ ဒို့မြန်မာ

ဲ ကျွန်မကို ကျွန်မ မပြာပါနဲ့လို့ သတိပေးမိတယ်။ဲ

စင်ကာပူနိုင်ငံ၊ ခမ်ချင်းလမ်း၊ အကွက်အမှတ် ၁၃၄ (အေ)ရှိ ၁၀ လွှာတိုက်ခန်းတွင် အောက်တိုဘာ ၃၁ ရက် ညနေ ၂ နာရီ ၄၀ မိနစ်ခန့်တွင် ဒေါ်စန္ဒာကျော်တစ်ယောက်ထဲ တရားထိုင်နေစဉ် ရုတ်တရက် မီးခိုးနံ့ရလိုက်တယ်။

အဲဒါနဲ့ အပြင်စက်ြန်လမ်းကို ထွက်ကြည့်လိုက်တဲ့အခါ မြင်လိုက်ရတယ့်မြင်ကွင်းက သူမကို တုန်လှုပ်သွားစေတယ်။ မီးလောင်နေတယ်။ သူမအိမ်နီးနားချင်းတိုက်ခန်း မီးစွဲနေတယ်။ သူမနှင့် သုံးတိုက်သာကွာတယ်။ အဲဒီအချိန်မှာပဲ အမျိုးသမီးတစ်ဦးရဲ့ အော်ဟစ်အကူအညီတောင်းသံကို ကြားလိုက်ရတယ်။ ကြားကြားချင်းပဲ အထဲမှာပိတ်မိနေတဲ့လူ ရှိမရှိသိရအောင် မီးတောက်တွေ၊ မီးခိုးငွေ့တွေရှိတယ့်ဘက်ကို တဟုန်ထိုးပြေးထွက်သွားမိတယ်။

အဲဒီရောက်တော့ တံခါးမကြီးရဲ့ဘေးက ပြတင်းပေါက်ကလေးကနေ အထဲကိုချောင်းကြည့်လိုက်တော့ အိန္ဒိယအမျိုးသမီးတစ်ယောက်နဲ့ ကလေးနှစ်ယောက် ပိတ်မိနေတယ်။ ဧည့်ခန်းက မီးကူးနေပြီဆိုတော့ ဧည့်ခန်းကဖြတ်ပြီး တံခါးမကြီးကနေ ထွက်ပြေးလို့မရတော့ဘဲ ချောင်ပိတ်နေတယ်။ အိန္ဒိယအမျိုးသမီးကလည်း ပြတင်းပေါက်နားကနေ အော်ဟစ်ငိုရိုပြီး အကူအညီတောင်းနေတယ်။

အကူအညီတောင်းနေတယ်ဆိုတာကလွဲပြီး သူဘာတွေပြောနေတယ်ဆိုတာ နားမလည်နိုင်ဘူး။ ကလေးနှစ်ယောက်ဆိုရင် ကြောက်လွန်းလို့ လူသေတွေလို လှုပ်တောင်မလှုပ်ရဲဘူး။ တံခါးမကြီးရဲ့ သံပန်းတံခါးက သော့ခတ်ထားတာလည်းတွေရော တော်တော်စိတ်ပျက်သွားတယ်။

ဒေါ်စန္ဒာကျော်လည်း သူမကိုသူမ မပြာအောင် သတိထားပြီး သူမအခန်းကို ပြန်ပြေး၊ ၉၉၉ ကို ဖုန်းဆက်ခေါ်။ ပလာယာတစ်စုံ ကောက်ဆွဲပြီး၊ မီးလောင်ရာကို ပြန်ရောက်လာတယ်။ ပလာယာနဲ့ တံခါးသော့ကိုဖျက်ဖို့ကြိုးစားလည်း အချည်းနှီးပဲ။
မီးခိုးငွေ့တွေက ဘယ်လောက်တောင်များလည်းဆို သူမတောင် အသက်ကောင်းကောင်း မရှူနိုင်တော့ဘူး၊ မျက်လုံးတွေလည်းေ၀၀ါးလာတယ်။ တံခါးမကြီးနားအထိ မီးကရောက်နေပြီဆိုတော့ သံကလည်း ကျစ်ကျစ်တောက်ပူနေပြီ။ တခြားအိမ်နီးနားချင်းတွေကလည်း သူမသော့ဖျက်နေချိန်မှာ လက်ဆွဲရေဘုံးလေးတွေနဲ့ မီးတောက်ကြီးကို လှမ်းပတ်နေလေရဲ့။

သူမကိုယ်နှိုက်လည်း ရင်တွေတဒိန်းတဒိန်းခုန်နေတယ်။ အထဲကလူတွေအတွက် တော်တော်စိတ်ပူနေရပြီ။ နောက်တော့ ကိုယ့်ကိုကိုယ် မပြာအောင်ထိန်းရင်း သူတို့ကိုဘယ်လို ကယ်ရမလဲဆိုတာ အသည်းအသန်စဉ်းစားနေမိတယ်။
ရုတ်တရက် အကြံထွက်လာတယ်။ စောစောက အိပ်ခန်းပြတင်းပေါက်လေး။ အဲဒီ့က သံပန်းတံခါးကို ဖျက်လိုက်ရင် သားအမိတွေ အဲဒီ့က ခုန်ထွက်နိုင်ပြီ။ ပြတင်းပေါက်သံပန်းကို စမ်းကြည့်တော့ တံခါးမကြီးလို မပူသေးဘူး။ အဲဒါနဲ့ သံပန်းကို လက်နှစ်ဖက်နဲ့ မရမက အတင်းကာရော ဆွဲဖြဲပါလေရော။ တကိုယ်လုံးရှိတဲ့အားတွေ လက်မှာစုပြီး အားကုန်သုံးပြီး ဆွဲလေရဲ့။ သူမနဲ့မသိတဲ့ တစ်ခြားအိန္ဒိယအမျိုးသမီးငယ်တစ်ယောက်ကလည်း လာကူပြီး ဆွဲပေးတယ်။ လူ့အသက်နဲ့ရင်းရတာဆိုတဲ့ဇောနဲ့ သံတန်းနှစ်ခုကို ဆွဲဖြဲကြတာ တော်တော်လေးလည်း ဟလာရော ကလေးတွေကို တစ်ယောက်ပြီး တစ်ယောက်လှမ်းဆွဲထုတ်၊ ပြီးတော့ မိခင်ကြီးကိုလည်း ထွက်လို့ရအောင် ၀ိုင်းကူရင်းနဲ့ သားအမိတွေ ဘေးကင်းရာ ရောက်ခဲ့လေသည်။

ဒေါ်စန္ဒာကျော်ရဲ့စွမ်းဆောင်မှုနဲ့ သတ္တိအတွက် စင်္ကာပူအစိုးရက ပရဟိတဆု ချီးမြှင့်ခဲ့ပါတယ်။

[+/-]Read More...

[+/-]Summary only...

မျိုးဆက်သစ် အရင်းအမြစ်များ မဆုံးရှုံးစေချင်

စိုင်းစိုးဝင်းလတ် | အောက်တိုဘာ ၃၁၊ ၂၀၀၈
Irrawaddy Magazine

မြန်မာနိုင်ငံ၏ စီးပွားရေး ကျဆင်းလာနေသည်နှင့်အမျှ တိုးတက်လာသည့်လူဦးရေနှင့် တနှစ်ထက်တနှစ် များပြားလာသော တက္ကသိုလ်ဘွဲ့ရများအတွက် အလုပ်နေရာချထား ပေးနိုင်သည့် ပြည်တွင်း လုပ်အားဈေးကွက်က မယှဉ်နိုင်ဖြစ်လာရသည်။

ဤအနေအထားတွင် နှစ်စဉ်ထောင်နှင့်ချီသော ပညာတတ်ဘွဲ့ရများက သူတို့၏ ကိုယ်ပိုင် အနာဂတ်ကို ပျိုးထောင်နိုင်ရန် နိုင်ငံမှ ထွက်ခွာနေကြတော့သည်။

ဘွဲ့ရပညာတတ် လုပ်သားအများအပြား နိုင်ငံရပ်ခြားသို့ ထွက်ခွာနေကြသည့်ပြဿနာက မြန်မာနိုင်ငံအတွက်သာ ထူးခြား ဖြစ်ပေါ်နေခြင်း မဟုတ်ပါ။ ဖွံ့ဖြိုးမှုအနည်းဆုံး နိုင်ငံအတော်များများတွင် “ဦးနှောက်ယိုစီးမှု” ပြဿနာ ကြုံ တွေ့ နေကြရသည်။

မကြာခင်က စင်ကာပူနိုင်ငံတွင် အလုပ်လုပ်နေကြသော အထက်တန်းကျောင်းသား ဘ၀က သူငယ်ချင်းများနှင့် စကားစမြည် ပြန်ပြောမိသည်။ သူတို့အနေနှင့် အလုပ်ရနိုင်ကြ သေးသော်လည်း တခြားသော မြန်မာနိုင်ငံ၏ လူငယ် ပညာတတ် များအနေ နှင့်မူ သူတို့ကျွမ်းကျင်သည့် ပညာနှင့် အလုပ်ရရန် ခက်ခဲလာသည်ကို ကျနော် သတိပြုလာမိသည်။

ပြည်တွင်းတွင် အုပ်ချုပ်နေသည့် စစ်အစိုးရက ထိုသူများကို တန်ဖိုးမထားတတ်ကြသလို၊ ပြည်ပတွင် လှုပ်ရှားနေကြသည့် အတိုက်အခံအုပ်စုများ ကလည်း ထိုသူများ၏ တန်ဖိုးကို အလေးမထားကြပါ။

ပြည်တွင်းနှင့် ပြည်ပရောက်နေသူ ကျနော့်မိတ်ဆွေအများအပြားတွင် သူတို့ငယ်ရွယ်စဉ်က အိပ်မက်ခဲ့သည့် အရာများ ပျောက်ကွယ် ဆုံးရှုံးနေခဲ့ကြပြီကို တွေ့ရသည်။ အကြောင်းမှာ နိုင်ငံ၏ ဆုတ်ယုတ်ကျဆင်းလာနေသော ပညာရေးစနစ် ကြောင့်ပင် ဖြစ်သည်။ ကျနော်မှတ်မိနေသည်မှာ ထိုသူအများစုက လူ ၄၊ ၅ ထောင်တွင် ထိပ်ပိုင်းစာတော်သည့် ကျောင်းသား ၄၀ - ၄၅ ဦးထဲ၌ ရှိနေခဲ့ကြသူများဖြစ်ပြီး သူတို့အနေနှင့် အဆင့်မြင့် အသက်မွေး ပညာများဖြစ်သည့် ဆေးတက္ကသိုလ် သို့မဟုတ် အင်ဂျင်နီယာ ကျောင်းများတက်ရောက် အောင်မြင်နိုင်ကြ သူများလည်း ဖြစ်ကြသည်။

သို့သော်လည်း အထက်တန်းကျောင်းပြီးချိန် လွန်ခဲ့သည့် ၁၀ နှစ်အတွင်း သူတို့၏ စိတ်အားထက်သန်မှုများကို နှောင့်ယှက် ဟန့်တားမည့် ပြဿနာ အများအပြား ကြုံခဲ့ကြရသည်။ ၁၉၉၀ ပြည့်နှစ် နောက်ပိုင်း ကျောင်းများ ပိတ်လိုက် ဖွင့်လိုက် အကြိမ်ကြိမ်ဖြစ်နေသည်က ပြဿနာတခုဖြစ်သည်။ တဖန် အစိုးရက တက္ကသိုလ်များကို ဝေးလံခေါင်သီသော နေရာများသို့ ပို့ခဲ့ခြင်းကလည်း ဘူးလေးရာဖရုံဆင့်စေခဲ့သည်။

အသစ်ပေါ်လာသည့် ခေတ်သစ် သတင်းနည်းပညာများ ကလည်း သူတို့၏ မူလအိပ်မက်များဖြစ်သော ဆရာဝန်ဖြစ်ရန်၊ အင်ဂျင်နီယာဖြစ်ရန် ဆိုသည့် ငယ်ဘ၀စိတ်ကူးများနှင့် လမ်းခွဲစေ ခဲ့ပြန်သည်။ တချို့က ဘွဲ့ရကြသည်၊ တချို့က အိမ်ထောင် ကျပြီး မြန်မာပြည်တွင် အခြေကျနေပြီ၊ တချို့ကတော့ ပြည်ပသို့ထွက်၍ တခြားသော ရွှေ့ပြောင်း အလုပ်သမား ထုနှင့် ပူးပေါင်း၍ ၀မ်းကျောင်းခဲ့ကြသည်။

၎င်းတို့အနက်မှ တချို့မှာ အထက်တန်းကျောင်းပြီးသည်နှင့် ပြည်ပကိုထွက်ကာ နိုင်ငံရပ်ခြားတက္ကသိုလ်များတွင် ကျောင်း တက်ခွင့် ရခဲ့ကြသည်။ သို့သော်လည်း ဤသူများကိုယ်နှိုက်ကပင် သူတို့လေ့လာထားသည့် ဘာသာရပ်ကတလွဲ၊ သူတို့ အသက်မွေးဝမ်းကျောင်း ပြုနေရသည့် ပညာရပ်ကတလွဲ ဖြစ်နေပြန်သည်။ သို့ မဟုတ်ပါကလည်း သူတို့ ယခင် မျှော်မှန်း ထားကြသော အိပ်မက်များနှင့် လားလားမျှမဆိုင် ဖြစ်နေပြန်သည်။

စင်ကာပူနိုင်ငံတွင် ရောက်နေကြသည့် မြန်မာနိုင်ငံမှ ရွှေ့ပြောင်းလာသူ အများစုမှာ တက္ကသိုလ်ဘွဲ့ရများဖြစ်ပြီး ကျွမ်းကျင် အဆင့် ရှိသည့် လုပ်သားများလည်း ဖြစ်သည်။ ထိုသူများမှာ စီးပွားရေးလုပ်ငန်းများနှင့် စက်မှုလုပ်ငန်းများက လိုချင်၍ လိုက်ရှာနေကြရသည့် အင်ဂျင်နီယာများ၊ ကွန်ပျူတာ ကျွမ်းကျင်သူများ၊ အုပ်ချုပ်ရေး အရာရှိများလည်း ဖြစ်ကြသည်။

သို့သော်လည်း ကျနော် စကားပြောခဲ့ရသည့် ၇ ဦးစလုံးထံမှ မကျေမနပ် ညည်းညူသံများကို ကြားခဲ့ရသည်။ သူတို့ကို စင်ကာပူ အလုပ်ရှင်များက ခေါင်းပုံ ဖြတ်ပုံ၊ တရားဝင်ပေးရမည့် အနိမ့်ဆုံးလုပ်ခ လစာများ မရရှိပုံ၊ လုပ်ခ အနည်းအကျဉ်း သာ ပေး၍ အချိန်ပို အလုပ်ဆင်းရန် အတင်းအကျပ် ခိုင်းစေပုံများကို ကြားခဲ့ရသည်။ ထိုမျှမက သူတို့တွင် ဘဏ္ဍာရေးအရ၊ လူမှုရေးအရ ဖိစီးစရာ အကြောင်းများ ကြုံနေရကြောင်းနှင့် ရံဖန်ရံခါ လုပ်ငန်းခွင်အတွင်း လူမျိုးရေးအရ ခွဲခြားခံရပုံကို လည်း ကြားခဲ့ရသည်။

ဤသို့ ကွန်ပျူတာသိပ္ပံ၊ အင်ဂျင်နီယာလုပ်ငန်း၊ ဟိုတယ် စီမံခန့်ခွဲမှု၊ စာရင်းကိုင် စသည့် ကျယ်ပြန့်သော လုပ်ငန်းများကို မြန်မာပြည်တွင်သာ လုပ်ကိုင်ခွင့်ရခဲ့ပါက ဤသူများအဖို့ မြန်မာနိုင်ငံစီးပွားရေးအတွက် များစွာ အကျိုးပြုနိုင်ကြမည် ဖြစ် သည်။ ထိုသူတို့မှာ ခေါင်းဆောင်များ၊ ဆုံးဖြတ်ချက် ချပိုင်ခွင့်ရှိသူများ၊ အဆင့်မြင့် ထိပ်သီး ပညာရှင်များ၊ နည်းပညာ ရှင်များ၊ တက္ကသိုလ် ပါမောက္ခများ ဖြစ်လာနိုင်သည်။ သူတို့၏ လုပ်အားကို ဈေးချိုချိုနှင့် ခေါင်းပုံဖြတ်ခံနေရသည့် တိုင်းတပါး တွင် ရွှေ့ပြောင်းအလုပ်သမားများအဖြစ် အလုပ်သွားလုပ်နေရန်ပင် မလိုအပ်ပါ။

ဤသို့ လူငယ်များ၏ လုပ်အားကို လျှော့ပေါ့တွက်၍ တန်ဖိုးမထားသည်မှာ မြန်မာစစ်အစိုးရမျှသာ မဟုတ်ပါ။ ဒီမိုကရေစီ ရေး လှုပ်ရှားနေကြသည့် အဖွဲ့များကလည်း ထိုသူများကို ပြုစုပျိုးထောင်ရန် ပျက်ကွက်ခဲ့ကြပါသည်။ သူတို့အဖွဲ့အတွင်း တိုးတက် စေရန်နှင့် နိုင်ငံရှေ့ရေးအတွက် တိုးတက်ဖွံ့ဖြိုးစေရန် ဤလူငယ်များကို အခွင့်ပေး အသုံးချပျိုးထောင်ပေးဖို့ ပျက်ကွက်ခဲ့ကြ သည်။

မြန်မာနိုင်ငံ ဒီမိုကရေစီအရေး လှုပ်ရှားနေကြသည့် အင်အားစုများက လူငယ်များကို သိမ်းသွင်းစုဆောင်းရန် တွန့်ဆုတ်နေ ကြသည်။ ထိုလူငယ်များ ပညာသင်ဆုများရဖို့ ၀ိုင်းဝန်းကြိုးပမ်း ကူညီပေးရန်နှင့် လူငယ်များ၏ ကျွမ်းကျင်မှုများ ထက်မြက် လာစေရန် ပျိုးထောင်ရေးကို ဒီမိုကရေစီ အင်အားစု အများစုက စိတ်မ၀င်စားကြပါ။ တချို့သောအဖွဲ့များတွင် ပညာသင်ဆု အခွင့်အလမ်းများ ရရှိကြသည်။ သို့သော်လည်း ဒီမိုကရေစီအရေး အားကျိုးမာန်တက်ဆောင်ရွက်ပေးမည်ဟု အားခဲထားကြ သည့် လူငယ်များအတွက် တကယ့်ကို အနည်းအကျဉ်းမျှသာ ဖန်တီးပေးနိုင်ပြန်သည်။

၂၀၀၀ ပြည့်နှစ် ဆန်းပိုင်းတွင် နောက်ထပ် ပညာဆက်သင်ရန် အခွင့်အလမ်းများ ပွင့်လမ်းလာခဲ့ရာ ဤအခွင့်အလမ်းများကို ဦးဆောင် အဖွဲ့အစည်းကြီးများ၏ အသက်အရွယ်ကြီးနေပြီဖြစ်သည့် ခေါင်းဆောင်ပိုင်းက အလျင်အမြန် မောင်ပိုင်စီး လိုက်ကြပြန်သည်။

ဤအဖွဲ့အစည်းများသည် လေ့လာရန် အခွင့်အလမ်းသစ်များ ဖန်တီးပေးရန် ပျက်ကွက်ခဲ့ရုံမျှမက၊ နိုင်ငံရေး အတိုက်အခံ များနှင့် ဆက်နွယ်မှု ရှိနေသည့် အာရှတိုက်နိုင်ငံများနှင့် အနောက်နိုင်ငံ တက္ကသိုလ်များမှ ပညာသင်ကြားလာသော ရာနှင့်ချီသည့် ကျောင်းသားများ၏ ကျွမ်းကျင်မှုများကိုလည်း အသုံးမချခဲ့ကြပါ။ အသုံးချခဲ့လျှင်လည်း အနည်းအကျဉ်းမျှသာ ရှိမည် ဖြစ်ပါသည်။ မြန်မာနိုင်ငံမှ တိုက်ရိုက် ထွက်ခွာလာသူများကို အသုံးချရန် ဆိုသည်မှာ ပို၍ ဝေးလှသည်။

ဤအချိန်တွင် မြန်မာစစ်အစိုးရက နည်းပညာရှင်များနှင့် အုပ်ချုပ်ရေးဝန်ထမ်းများကို စုဆောင်းသိမ်းသွင်းနေပြီး စစ်အစိုးရ ယန္တရား အင်အားတောင့်တင်းရေးအတွက် အသုံးချနေသည်။ ထိုလူငယ်များကို ရုရှား၊ စင်ကာပူနှင့် တခြားနိုင်ငံများရှိ ကောလိပ်နှင့် တက္ကသိုလ်များသို့ ပို့ကာ ပညာသင်စေလွှတ်ခဲ့ကြသည်။

သို့သော်လည်း ပြည်ပရောက်နေသည့်အင်အားစု များက သူတို့ဘာသာ ငွေရှာကျောင်းတက်နေကြသူများ၊ အနည်းအကျဉ်း မျှသော ပညာသင်ဆုကြေးနှင့် ကြိုးစား၍ တက္ကသိုလ်ပညာ ဆက်လက်သင်ကြား နေကြသူများ စသဖြင့် သူတို့ဘာသာ ကြိုးစား၍ ခရီးစထားပြီးသား သူများကို အခွင့်အလမ်းများ ကမ်းလှမ်းပံ့ပိုးပေးရန် ပျက်ကွက်ခဲ့ကြသည်။

တက္ကသိုလ်ဘွဲ့ရသူများကို တချို့သော ပြည်ပရှိ အဖွဲ့အစည်းများက လက်ထောက်အကူ များအဖြစ် သိမ်းသွင်းခဲ့ကြသည် မရှိမဟုတ်။ အနည်းအကျဉ်း ရှိပါသည်။ သို့သော်လည်း ထိုသူများမှာ အထွေထွေ ရုံးလုပ်ငန်းမျှနှင့်သာ အဆုံးသတ် ကြရပြီး သူတို့ကိုယ်သူတို့ ထက်အောင်သွေးထားကြသည့် အရည်အသွေးများ၊ ဗဟုသုတများကိုလည်း အသုံးမပြုနိုင်ဖြစ်ခဲ့ ကြရသည်။ ဤအဖွဲ့အစည်းများ၏ အသက်အရွယ် အိုမင်းကြီးရင့်နေပြီဖြစ်သည့် ခေါင်းဆောင်များကို ကူညီပံ့ပိုးပေး ခြင်းသည်သာ ကောင်းစွာ ပညာသင်ကြားလာသည့် လူငယ်များအတွက် အမြင့်ဆုံးရနိုင်သည့် ရာထူးတာဝန် ဖြစ်ပုံရပါသည်။

ထိုအချိန်တွင် ကနေဒါ၊ အမေရိကန်ပြည်ထောင်စုနှင့် တခြားသော ဖွံ့ဖြိုးသည့်နိုင်ငံများက လက်မနှေးကြပါ။ ထက်မြက် သည့် ပညာတတ်လူငယ်များနှင့် သူတို့၏ ကျွမ်းကျင်မှုများကို အခွင့်ကောင်းယူ၍ အလျင်အမြန် ကောက်ယူမြှောက်စားခဲ့ ကြပါသည်။ ကမ္ဘာပေါ်တွင် မြင့်ပြီးသား သူတို့၏ အဆင့်အတန်းနေရာကို ဆက်လက်ထိန်းသိမ်း အသာစီးယူနိုင်ရေးအတွက် ဆောင်ရွက် ခဲ့ကြပါသည်။ ဥပမာအားဖြင့် - ကနေဒါ လူဝင်မှုစနစ်ကို အမှတ်ပေးစနစ်သဖွယ် လုပ်ထားပြီး ထောင်ပေါင်းများ စွာသော ပညာတတ်များ၊ ကျွမ်းကျင်ပညာရှင်များကို နှစ်စဉ်ခေါ်ယူ၍ အမြဲတမ်းနေထိုင်ခွင့်ပေးခြင်း၊ နိုင်ငံသားအဖြစ် သတ် မှတ်ပေးခြင်း ပြုနေကြပါသည်။

ထိုနိုင်ငံများမှ ဘွဲ့ရလာကြသူ မြန်မာလူမျိုးများကို မူဝါဒရေးရာ အကြံပေးများ၊ သုတေသနမှူးများ၊ အငယ်တန်းအရာရှိများ အဖြစ် အိမ်ရှင်အစိုးရနှင့် အစိုးရက ထောက်ပံ့ထားသည့် အဖွဲ့အစည်း ဌာနများတွင် သိမ်းသွင်းစုဆောင်း နေရာချ ထားပေး နေကြပြီ ဖြစ်သည်။ တချို့မှာ ပုဂ္ဂလိကလုပ်ငန်းများအတွင်း ကျွမ်းကျင်သူများအဖြစ် ၀င်ရောက်လုပ်ကိုင် နေကြသူများလည်း ရှိနေသည်။

ငယ်ရွယ်၍ ထက်မြက်သော မြန်မာလူငယ်များကို နေရာပေး သိမ်းသွင်းခန့်ထား၍ အရှုံး မရှိကြောင်းကို ထိုနိုင်ငံများက သိကြသည်။ ရရှိနိုင်သမျှသော လူသားအရင်းအမြစ်ကို တန်ဖိုးထား၊ အသုံးချခြင်းပင် ဖြစ်ပါသည်။

မြန်မာနိုင်ငံ အတွက် အတော်ဆုံးနှင့် အထက်မြက်ဆုံး လူငယ်များကို ထိန်းသိမ်းမွေးမြူထားလိုလျှင် အစိုးရနှင့် အတိုက်အခံ အင်အားစု နှစ်ဘက်စလုံးက ပိုမို အရေးတယူ ဆောင်ရွက်သင့်နေပြီ ဖြစ်သည်။ လတ်ဆတ်သည့် အတွေးအမြင်သစ်များကို လက်ကမ်းကြိုဆိုကြရန် လိုအပ်နေပြီ ဖြစ်ပါသည်။

စိုင်းစိုးဝင်းလတ်ရေးသားသည့် Burma’s Wasted Intellectual Potential ကို ဆီလျော်အောင်ပြန်ဆို ဖော်ပြပါသည်။
စိုင်းစိုးဝင်းလတ်သည် ကနေဒါနိုင်ငံ၊ ဘာနာဘီရှိ ဆိုင်မွန် ဖရေဇာတက္ကသိုလ်တွင် (Simon Fraser University) တွင် ပထ၀ီ အဓိကဖြင့် ဘွဲ့လွန်လေ့လာနေသူ Ph.D. ကျောင်းသားတဦး ဖြစ်ပါသည်။

[+/-]Read More...

[+/-]Summary only...

ရေကြောင်းအငြင်းပွားလည်း မြန်မာက ဓာတ်ငွေ့ ဆက်ရှာမည

မဇ္ဈိမသတင်းဌာန
ဗုဒ္ဓဟူးနေ့၊ နိုဝင်ဘာလ 05 2008 14:46 - မြန်မာစံတော်ချိန်


နယူးဒေလီ။ ။ ဘင်္ဂလားဒေ့ရ်ှက အပြင်းအထန် ကန့်ကွက်ခဲ့သော်လည်း မြန်မာသည် ဘင်္ဂလားပင်လယ်အော်ရှိ ဓာတ်ငွေ့ရှာဖွေမှုကို ဆက်လုပ်မည်။

ဤအကြောင်းကို မြန်မာနိုင်ငံခြားရေး ဝန်ကြီးဌာန အရာရှိတဦးကို ကိုးကား၍ အေပီသတင်းဌာနက ရေးသား ဖော်ပြထားခြင်း ဖြစ်သည်။

“ကျနော်တို့ ဓာတ်ငွေ့ရှာဖွေရေး လုပ်ငန်းတွေကို ရပ်မှာ မဟုတ်ပါဘူး။ ဒါက မြန်မာ ရေပိုင်နက်ထဲမှာ လုပ်နေတာပါ” ဟု မြန်မာအရာရှိက ပြောသည်။

ရေတပ်သင်္ဘောများကို မြန်မာရေပိုင်နက်အတွင်း စေလွှတ်လိုက်သည့်အတွက် မြန်မာနိုင်ငံက ဘင်္ဂလားဒေ့ရ်ှကို တရားဝင် ကန့်ကွက်ထားကြောင်းနှင့် မြန်မာနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီးကို နိုင်ငံ၏ မြို့တော်သစ် နေပြည်တော်သို့ ဆင့်ခေါ်ကာ မြန်မာစစ်အစိုးရ၏ ကန့်ကွက်လွှာကို ပေးအပ်ခဲ့ကြောင်းဖြင့် ထိုအရာရှိက ဆက်ပြောသည်။

“ကျနော်တို့ ရေပိုင်နက်အတွင်း ရေတပ်သင်္ဘောတွေ ကျူးကျော် ဝင်ရောက်လာတဲ့အတွက် ဘင်္ဂလားဒေ့ရှ် နိုင်ငံကို သတိပေးခဲ့ပါတယ်” ဟု အဆိုပါ အရာရှိ ပြောစကားကို ကိုးကားကာ အေပီက ရေးသားသည်။

ဘင်္ဂလား ပင်လယ်အော်အတွင်း မြန်မာနိုင်ငံက ဓာတ်ငွေ့ ရှာဖွေနေမှုများကို ဘင်္ဂလားဒေ့ရ်ှအစိုးရက တနင်္ဂနွေနေ့က ကန့်ကွက်ခဲ့ပြီးနောက် ဤသို့ ဘင်္ဂလားဒေ့ရှ် ရေတပ်သင်္ဘောများ မိမိတို့ ရေပိုင်နက်အတွင်း ကျူးကျော်ဝင်ရောက် လာခဲ့သည်ဟု မြန်မာအစိုးရ၏ ပြောဆိုမှု ပေါ်ထွက်လာခဲ့ခြင်း ဖြစ်သည်။

မြန်မာသင်္ဘောများ ဓာတ်ငွေ့ ရှာဖွေနေမှုများကို ကန့်ကွက်သည့်အကြောင်း ဘင်္ဂလားဒေ့ရှ် နိုင်ငံခြားရေး ဝန်ကြီးဌာန အကြံပေးပုဂ္ဂိုလ်က ယခုလ ၂ ရက်နေ့တွင် မြန်မာသံအမတ်ကြီးကို ဆင့်ခေါ်ကာ ပြောကြားခဲ့သည်။ အဆိုပါ ရေနံသဘာဝဓာတ်ငွေ့ ရှာဖွေမှုများ ပြုလုပ်နေသည့် နေရာသည် ဘင်္ဂလားဒေ့ရှ် ရေပိုင်နက်အတွင်း ကျရောက်နေကြောင်း သံအမတ်ကြီးကို ပြောကြားခဲ့သည်။

“ဒီပြဿနာကို သံတမန်ရေး နည်းလမ်းအရ ဖြေရှင်းသွားဘို့ ကျနော်တို့ ကြိုးပမ်း အားထုတ်သွားမှာပါ။ ဒါပေမဲ့ ကျနော်တို့ အချုပ်အခြာအာဏာကို ကာကွယ်ဘို့အတွက် ဘာမဆိုလုပ်မယ် ဆိုတာကိုလည်း နားလည်ထားဘို့ လိုပါတယ်” ဟု ဘင်္ဂလားဒေ့ရှ် နိုင်ငံခြားရေး ဝန်ကြီးဌာန အကြံပေးပုဂ္ဂိုလ် အစ်ဖ်တက်ခါ အာမက် ချောင်ဒရီ (Iftekhar Ahmed Chowdhury) က ပြောသည်။

ပင်လယ်နယ်နိမိတ် အငြင်းပွားမှုကို ဖြေရှင်း ပြီးစီးသည်အထိ သဘာဝဓာတ်ငွေ့ ရှာဖွေရေးလုပ်ငန်းများ ရပ်တန့်ထားကာ မြန်မာရေယာဉ်များအားလုံး ချက်ချင်း ပြန်လည် ထွက်ခွာသွားရန်လည်း ဒါကာက မြန်မာနိုင်ငံကို တိုက်တွန်းခဲ့ကြောင်းဖြင့် ချောင်ဒရီက ဆိုသည်။ ဘင်္ဂလားဒေ့ရှ် ရေတပ်သည် အဆိုပါ အငြင်းပွားနေသော ဒေသတွင် စောင့်ကြပ် ကြည့်ရှုနေကြောင်းဖြင့်လည်း သူက ပြောသည်။

သို့သော် မြန်မာရေယာဉ်များသည် ဘင်္ဂလား ရေပိုင်နက်အတွင်း ကျူးကျော်ဝင်ရောက်ခြင်း မရှိခဲ့ကြောင်း ဘင်္ဂလားဒေ့ရ်ှနိုင်ငံဆိုင်ရာ မြန်မာသံအမတ်ကြီး ဦးဖေသန်းဦးက ဝါရှင်တန်အခြေစိုက် အမေရိကန်အသံ မြန်မာပိုင်း အစီအစဉ်နှင့် တွေ့ဆုံ မေးမြန်းခန်း တခုတွင် ပြောကြားခဲ့သည်။

“ကျနော်တို့ ကျူးကျော် ဝင်ရောက်ခဲ့တာ မဟုတ်ပါဘူး။ ဓာတ်ငွေ့ရှာဖွေရေး လုပ်ငန်းတွေကို ကျနော်တို့ စီးပွားရေးဇုံအတွင်း လုပ်နေတာပါ” ဟု ဦးဖေသန်းဦးက အမေရိကန်အသံ မြန်မာပိုင်း အစီအစဉ်ကို ပြောသည်။

တဖက်နှင့် တဖက် အပြန်အလှန် တောင်းဆို ပြောကြားနေမှုများအပေါ် နှစ်ဖက်လုံးက သဘောမတူကြသေးပါ။

“ကျနော်တို့ ဒီပြဿနာကို သံတမန်ရေး လမ်းကြောင်းကတဆင့် ဆွေးနွေးသွားမှာပါ” ဟု မြန်မာသံအမတ်ကြီးက ပြောသည်။

နယ်နိမိတ် သတ်မှတ်ရေးကိစ္စကို ဒါကာမြို့တွင် လာမည့် ဒီဇင်ဘာလ ၁၆-၁၇ ရက်နေ့များ၌ နှစ်ဖက်တွေ့ဆုံဆွေးနွေးရန် သဘောတူညီခဲ့ပြီး ဖြစ်သည်။

[+/-]Read More...

[+/-]Summary only...

အရေးကြီးပြီ သွေးနီးကြစို့

ကဲ...ညီနောင်တို့ ဘင်္ဂလားဒေ့ရ်ှကတော့ စစ်ခေါ်သံပေးလိုက်ပါပြီ။ ကျွန်တော်တို့ ဘာလုပ်ကြမလဲ။ လက်နက်မဲ့ ပြည်သူတွေကို အကြမ်းဖက်နှိမ်နင်း ပစ်ခတ်နိုင်တဲ့ ကျွန်တော်တို့ ရဲ့ တပ်မတော် ကြီး ဘာဆက်လုပ်မလဲ။ ရှေ့တိုးမလား နောက်ဆုတ်မလား။ ကျွန်တော်တို့ တပ်ချုပ်ကြီး အော်အော် နေတဲ့ ခေတ်မှီတပ်မတော် ကြီးရဲ့ တိုက်စွမ်းရည် အုပ်ချုပ်ရေးစွမ်းရည် ကိုမျက်ဝါးထင်ထင် တွေ့ကြရတော့မယ်။ ဘာပဲဖြစ်ဖြစ်လေ ပြည်ပနဲ့ ဆော်ရတော့မယ် ဆိုတော့ ကိုယ့်နိုင်ငံပဲနိုင်ချင်တာပေါ့။ အခုထိပ်တိုက်တွေ့ရ မှာက ယိုးဒယားမဟုတ်ဘူးနော်။

ဒီအချိန်မှာ တစ်ချိန်ကဘာတွေပဲဖြစ်ခဲ့ဖြစ်ခဲ့ ကျွန်တော်တို့တစ်တွေ စည်းလုံးကြရပါလိမ့်မယ်။ ကျွန်တော်တို့ နိုင်တဲ့ဘက်က ကိုယ့်နိုင်ငံတော်အတွက် အလုပ်လုပ်ကြရပါလိမ့်မယ်။ စက်တင်ဘာ အရေးအခင်း နအဖ ရဲ့ လက်နက်မဲ့ပြည်သူတွေအပေါ်ရက်စက် မှုကိုကမ္ဘာသိအောင် လုပ်နိုင်ခဲ့တဲ့ အွန်လိုင်းမီဒီယာတွေ အနေနဲ့ ဒီအချိန်မှာ ကျွန်တော်တို့နိုင်ငံတော်အတွက် တစ်သားတည်းတစ်သွေးတည်း ညီညွတ်မှုကိုပြကြပါစို့။ အချင်းချင်း ရန်ဖြစ်တာကို ခဏရပ်ပြီး။ အမိမြေအတွက် အလုပ်လုပ်လိုက်ကြရအောင်ဗျာ။

စပါးတစ်ပင်
ယူလျှင်မကျေ
တို့မြေတစ်လက်မ ကျူးကမခံ
ရန်တုံ့ပြန်အံ့။
မောင်မင်းယာ

[+/-]Read More...

[+/-]Summary only...