အာဆီယံ အိမ်နီးချင်းနိုင်ငံ၊ တိုင်းရင်းသားလူမျိုးစု နယ်ရုပ်နှင့် မြန်မာ အစိုးရ

ကျနော် ပထမဆုံး တင်ပြချင်တာကတော့ အာဆီယံအဖွဲ့ကြီးနဲ့ ကျနော်တို့ မြန်မာနိုင်ငံစစ်အစိုးရတို့အကြောင်း ပါ။ အာဆီယံအဖွဲ့ကြီးရဲ့ ၀န်ကြီးအဆင့် အစည်းအဝေးကြီးကတော့ စင်္ကာပူနိုင်ငံမှာ ကျင်းပပြီးစီးသွားခဲ့ပါပြီ။ ဒီတကြိမ်မှာတော့ အာဆီယံဝန်ကြီးတချို့က ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကို လွှတ် ပေးဖို့ အနူးအညွတ် ပြောဆိုဖော်ရလာတာ တွေ့ရပါတယ်။ ကျေးဇူးတင်စရာပါပဲ။ အဲဒီလိုပြောလာပြန်တော့ လည်း မြန်မာနိုင်ငံခြားရေး ရုပ်သေးဝန်ကြီးခမျာ ကဘောက်တိ ကဘောက်ချာ လျှောက်ပြောရတော့တာပါပဲ။ လွှတ်ပေးခါပဲ နီးလာတော့သလိုလို ကန့်သတ်ကာလပဲ ပြည့်ခါနီးလာတော့သလိုလို ဘာလိုလိုပေါ့လေ။

အဲဒီလို စကားရောဖောရောလုပ်ပြီး လူ့အခွင့်အရေးအဖွဲ့တခု ထည့်သွင်းရေးဆွဲထားတဲ့ အာဆီယံချာတာသစ် ကြီးကို သဘောတူကြောင်း အတည်ပြု လက်မှတ်ရေးထိုးထားတဲ့ “Instrument Of Ratification” ကို အာဆီ ယံအဖွဲ့ကြီးရဲ့ အထွေထွေအတွင်းရးမှူးချုပ် ဒေါက်တာ ဆူရင်းပစ်ဆူဝမ်ရဲ့လက်ထဲကို ပေးအပ်လိုက်ရင်း အာ ဆီယံချာတာသစ်ကို ခုနစ်နိုင်ငံမြောက် သဘောတူလက်မှတ်ရေးထိုးတဲ့ နိုင်ငံအဖြစ်ကို ပြုံးပြုံးကြီး ခံယူလိုက် ပါတယ်။ အတွင်းရေးမှူးချုပ် ဒေါက်တာဆူရင်းကလည်း ကျေးဇူးတင်စကားပြောပြီး ဒီအာဆီယံချာတာဟာ အားလုံးဂုဏ်ယူနိုင်တဲ့ အရှေ့တောင်အာရှအဖွဲ့ကြီးတခု တည်ဆောက်နိုင်ရေးကို အထောက်အကူ ဖြစ်စေနိုင် လိမ့်မယ်လို့ သူယုံကြည်တဲ့အကြောင်း ပြောရှာပါတယ်။ အဲဒီချာတာအသစ်ကို ၂၀၀၈ ခုနှစ် ဒီဇင်ဘာလမှာ ကျင်းပမယ့် အာဆီယံအစည်းအဝေး မတိုင်ခင် အဖွဲ့ဝင်နိုင်ငံအားလုံးက အတည်ပြု လက်မှတ်ရေးထိုးပေးရမှာ ဖြစ်ပြီး ဆယ်နိုင်ငံမြောက် Instrument of Ratification အတွင်းရေးမှူးချုပ် လက်ထဲရောက်အပြီး ရက်ပေါင်း ၃၀ အကြာမှာ စတင်အသက်ဝင်မှာ ဖြစ်ပါတယ်။

ဒါပေမယ့် Alternative ASEAN Network on Burma က တွဲဖက်ညှိနှိုင်းဆောင်ရွက်သူ Dabbie Scothard ကတော့ မကြာခင်က မြန်မာနိုင်ငံမှာ တိုက်ခတ်သွားခဲ့တဲ့ ဆိုင်ကလုံးနာဂစ်နဲ့ ပတ်သက်တဲ့ ကယ်ဆယ်ရေး ကိစ္စတွေမှာ မြန်မာစစ်အစိုးရရဲ့ နောက်ကျလှတဲ့ တုန့်ပြန်မှုတွေဟာ အာဆီယံချာတာရဲ့ တကယ့်ဦးတည် ရည် ရွယ်ချက်တွေနဲ့ အခြေခံစည်းမျဉ်း ဥပဒေသတွေ အများစုကို ချိုးဖောက်ခဲ့တယ်လို့ ထုတ်ဖော်ပြောဆိုလိုက်ပြီး “အဲဒါကြောင့် စစ်အစိုးရရဲ့ ချာတာကို အတည်ပြု လက်မှတ်ရေးထိုးမှုဟာ အာဆီယံကို စော်ကားလိုက်တာ၊ ချာတာကို အရိုသေတန်အောင် ချိုးနှိမ်လိုက်တာ ဖြစ်တယ်” လို့လည်း ဆိုပါတယ်။

လူ့အခွင့်အရေး လေ့လာစောင့်ကြည့်ရေး အဖွဲ့ကြီးရဲ့ မြန်မာနိုင်ငံဆိုင်ရာ အကြံပေးအရာရှိ David Scot Mathieson ကလည်း “မြန်မာနိုင်ငံက ချာတာကို လက်မှတ်ရေးထိုးလိုက်တာဟာ ထူးခြားမှုရှိသလို အရေးကြီး ပါတယ်။ ဒါပေမယ့် စစ်အစိုးရဟာ ချာတာရဲ့ လူ့အခွင့်အရေး စံချိန်စံညွှန်းတွေကို လိုက်နာဆောင်ရွက်လာ မှပဲ ချီးကျူးဂုဏ်ပြုလို့ နိုင်ပါလိမ့်မယ်။ လက်မှတ်ရေးထိုးလိုက်တာက အသေးအဖွဲပါ။ စစ်အစိုးရရဲ့ အရေးပါတဲ့ ခြေလှမ်းတခု ဖြစ်ပေမယ့် ချီးကျူးဂုဏ်ပြုဖို့တော့ မလိုသေးပါဘူး။ သူတို့တွေအနေနဲ့ တကယ်တမ်း စည်းမျဉ်း စည်းကမ်းတွေကို လိုက်နာရပါလိမ့်မယ်” လို့ ပြောကြားခဲ့ပါတယ်။

ကျနော်ကတော့ သူတို့ရဲ့စကားကို မှန်ကန်တယ်လို့ ယူဆပါတယ်။ ထောက်ခံပါတယ်။ စစ်အစိုးရဟာ တကယ် တမ်း ချာတာပါ လူ့အခွင့်အရေး စံချိန်စံညွှန်းတွေ စည်းမျဉ်းဥပဒေသတွေကို လိုက်နာပါ့မလား။ အစဉ်အလာအ ရတော့ ဘယ်သူ့ရဲ့ စံချိန်စံညွှန်း ဘယ်သူ့ရဲ့ စကားကိုမှ အလေးအနက် နားထောင်ခဲ့တာ မရှိဘူးဆိုတာက တော့ ထပ်ပြီး သက်သေပြနေစရာမလိုတဲ့ အမှန်တရားပဲ ဖြစ်ပါတယ်။ Scothard ပြောခဲ့တာကတော့ ရှင်းရှင်း လင်းလင်းပါပဲ။ “ချာတာကို လက်မှတ်အလွယ်တကူ ထိုးပေးလိုက်တာကိုက ချာတာအပေါ်မှာ ဘာမှမစဉ်းစား တာ၊ ချာတာပါ စံချိန်စံညွှန်းနဲ့ ချမှတ်ထားတာတွေကို လိုက်နာဆောင်ရွက်ဖို့ ရည်ရွယ်ချက် မရှိတာကို ပြလိုက် တာပါပဲ” တဲ့။

Alternative ASEAN က Scothard ရော Human Rights Watch က Mathieson ပါ မြန်မာစစ်အစိုးရ အကြောင်း ကောင်းကောင်း သိထားပြီးသူတွေလို့ ပြောလို့ရပါတယ်။ သူတို့နှစ်ယောက်စလုံးကတော့ အာဆီ ယံချာတာကို မြန်မာစစ်အစိုးရက လက်မှတ်ရေးထိုး အတည်ပြုပေးလိုက်တာဟာ သူတို့အပေါ် နိုင်ငံတကာက ဖိအားပေးလာတာတွေကို သက်သာလျော့နည်းသွားအောင် လုပ်လိုက်တဲ့ နောက်ထပ် သံတမန်ရေး လှုပ်ရှား ဆောင်ရွက်မှုတခုသာ ဖြစ်တယ်လို့ မြင်ကြပါတယ်။ မြန်မာစစ်အစိုးရအကြောင်း ပိုပြီးသိထားတဲ့ အတွင်းသိ အစင်းသိ မြန်မာနိုင်ငံသား တစ်ယောက်ဖြစ်တဲ့ ကျနော့်အနေနဲ့လည်း သူတို့နဲ့ သဘောထားကွဲလွဲပြီး ဒါဟာ အပြုသဘောဆောင်လာတာ ဖြစ်တယ်။ တိုးတက်ပြောင်းလဲ လာတာဖြစ်တယ် ဆိုတာမျိုး ပြောစရာမရှိပါဘူး။ နိုင်ငံတကာ အထူးသဖြင့် ဒေသတွင်း အိမ်နီးချင်းနိုင်ငံတွေကို နောက်ထပ် ကစားပြလိုက်တဲ့ သံတမန်ရေးရာ ကွင်းလယ်ကစားကွက် တခုကလွဲလို့ ဒီထက်ပိုပြီး ဘာမှမျှော်လင့်လို့မရနိုင်ပါဘူး။ နိုင်ငံတကာ သံတမန်အခင်း အကျင်းကို သူတို့အာဏာတည်မြဲ ထိန်းချုပ်နိုင်ရေးအတွက် ကိုင်တွယ်ကစားလို့ရတဲ့ ကရိယာပစ္စည်းတခုလို အသုံးပြုခဲ့တာဟာ အခုမှမဟုတ်ပါဘူး။ ကြာလည်း ကြာခဲ့ပါပြီ။ အာဆီယံအဖွဲ့ကြီး အကြောင်းနဲ့ ဒီအဖွဲ့ကြီးကို သူတို့အကျိုးစီးပွား သူတို့အာဏာတည်မြဲရေးအတွက် ဘယ်လိုအသုံးချရမယ် ဆိုတာကိုလည်း မြန်မာစစ်ဗိုလ် ချုပ်တွေက ကောင်းကောင်း နားလည်ထားပါတယ်။

ဘယ်လိုပဲဖြစ်ဖြစ်ပေါ့လေ အာဆီယံချာတာသစ်ဟာ လူ့အခွင့်အရေးဆိုင်ရာ ကဏ္ဍအတွက် အဖွဲ့တခုပါဝင်လာ သလို အဖွဲ့အစည်းကြီးရဲ့ ဂုဏ်သိက္ခာနဲ့ အကျိုးစီးပွားကို အကာအကွယ်ပေးဖို့ အချက်တွေလည်း ပါဝင်လာ တော့ ကြိုဆိုရမှာပါပဲ။ စစ်အစိုးရက ဘာရည်ရွယ်ချက်နဲ့ လက်မှတ်ထိုးထိုး မြန်မာနိုင်ငံအတွင်းမှာ စစ်အစိုးရ ကျူးလွန်နေတဲ့ လူ့အခွင့်အရေး ချိုးဖောက်မှုတွေနဲ့ စစ်ရာဇ၀တ်မှုတွေ လူသားမျိုးနွယ်ပေါ်မှာ ကျူးလွန်တဲ့ ပြစ်မှုတွေ အားလုံးအတွက် စစ်အစိုးရဟာ တာဝန်အရှိဆုံး ဖြစ်တယ်ဆိုတာ မြန်မာစစ်ဗိုလ်ချုပ်တွေ နားလည် သဘောပေါက်အောင် လုပ်ပေးဖို့ အာဆီယံအဖွဲ့ကြီးအနေနဲ့ ပြင်းပြင်းထန်ထန် ဖိအားပေးနိုင်ဖို့ တာဝန်ရှိသလို အရေးလည်းကြီးပါတယ်။ စစ်အစိုးရရဲ့ လူ့အခွင့်အရေး ချိုးဖောက်မှုတွေ၊ ရက်ရက်စက်စက် ဖိနှိ်ပ်ညှင်းပမ်း သတ်ဖြတ်မှုတွေကိုခံရင်း အဆင်းဆင်းအရဲရဲ အငတ်ငတ် အပြတ်ပြတ် ဖြစ်နေကြတဲ့ သန်း ၅၀ ကျော် မြန်မာ ပြည်သူလူထုတွေရဲ့ ဒုက္ခကို မျက်နှာလွှဲ ကိုယ့်နိုင်ငံ အကျိုးစီးပွား ကိုယ်ကျိုးစီးပွားကိုသာ ကာကွယ်ပြီး မြန်မာ စစ်အာဏာရှင်အစိုးရရဲ့ အချုပ်အခြာအာဏာ ပိုင်ဆိုင်ခွင့်ဆိုတာကိုပဲ လေးစားလိုက်နာ မိတ်ဝတ်မပျက် ဆက် ဆံနေကြမယ် ဆိုရင်တော့လည်း အဖွဲ့ကြီးရဲ့ သမိုင်းနဲ့ ကျနော်တို့ ပြည်သူတွေရဲ့ ကံကြမ္မာပဲပေါ့လေ။

နောက်တခု တင်ပြချင်တာကတော့ ကျနော်တို့ မြန်မာနိုင်ငံက လူနည်းစု လူမျိုးစုတွေနဲ့ အိမ်နီးချင်း နိုင်ငံကြီး တချို့အပေါ်မှာ မြန်မာစစ်အစိုးရရဲ့ သဘောထားနဲ့ အကိုင်အတွယ် ကိစ္စပါပဲ။ တကယ်တော့ မြန်မာစစ်အစိုးရ ဟာ လူမျိုးစုငယ်တွေရဲ့အရေးကို မြန်မာနိုင်ငံရဲ့ အရေးကြီးတဲ့ကိစ္စ၊ အရေးကြီးတဲ့ ပြဿနာအဖြစ် နားလည် ထားသလို သူရဲ့ နိုင်ငံခြားရေးမူဝါဒကိုလည်း အိမ်နီးချင်း တရုတ်၊ ထိုင်းနဲ့ အိန္ဒိယ နိုင်ငံတွေကို ဆွဲဆောင်သ်ိမ်း သွင်းဖို့ အရေးမှာ ထိထိရောက်ရောက် အသုံးချဖို့ လိုတယ်ဆိုတာကိုလည်း သဘောပေါက်ထားပါတယ်။ တကယ်လည်း အိမ်နီးချင်းနိုင်ငံတွေရဲ့ နယ်စပ်ဒေသတလျှောက်က လူမျိုးစုလက်နက်ကိုင်တွေကို နှိပ်ကွပ် နိုင်ဖို့ တရုတ်၊ အိန္ဒိယနဲ့ ထိုင်းနိုင်ငံတွေရဲ့ ပူးပေါင်းဆောင်ရွက်မှုရအောင် လုပ်နေသလို အပြန်အလှန်အား ဖြင့် အဲ့ဒီအိမ်နီးချင်းနိုင်ငံတွေက တောင်းဆိုလာမယ့် စီးပွားရေးဆိုင်ရာ အကျိုးစီးပွားတွေကိုလည်း ပေးအပ်ထား ခဲ့ပါတယ်။ တရုတ်ဆိုရင် မြန်မာနိုင်ငံစစ်အစိုးရနဲ့ ဆွေမျိုးပေါက်ဖော်ဆိုပြီး လုံးနေတာဟာ မြန်မာနိုင်ငံကို ကုန် သွယ်စီးပွားအတွက် အသုံးချဖို့အပြင် အိန္ဒိယသမုဒ္ဒရာကိုပေါက်တဲ့ လမ်းကြောင်းတခုအဖြစ်လည်း အသုံးချဖို့ ဖြစ်ပါတယ်။ စီးပွားရေး အမြင်ရော စစ်ရေးအမြင်နဲ့ပါ။

အိန္ဒိယနိုင်ငံ အနေနဲ့ကတော့ ၁၉၈၈ အရေးတော်ပုံ ကာလမှာ မြန်မာ့ဒီမိုကရေစီရေး လှုပ်ရှားမှုကို ထောက်ခံခဲ့ ပေမယ့် နောက်ပိုင်းမှာ အိန္ဒိယ-မြန်မာနယ်စပ်က လူနည်းစု လူမျိုးစုပြဿနာတွေနဲ့ ရင်ဆိုင်လာရတဲ့ အချိန်မှာ အခြေအနေအရ စစ်အစိုးရကို ထောက်ခံလာခဲ့ပါတယ်။ မြန်မာစစ်အစိုးရကလည်း အတိုက်အခံ လက်နက်ကိုင် အင်အားစုတွေကို အပြီးသတ် ချေမှုန်းနိုင်ရေး ရည်မှန်းချက်နဲ့ အိန္ဒိယအစိုးရကို နယ်စပ်ဒေသမှာ ကူညီခဲ့ပါ တယ်။ အပြန်အလှန်ပါပဲ။ ဒါနဲ့ပဲ မြန်မာအစိုးရနဲ့ ဆက်ဆံရေး တိုးတက်လာဖို့အတွက် ၁၉၉၂ ခုနှစ်မှာ သူ့ရဲ့ “အရှေ့မျှော်မူဝါဒ” ကို စတင်ဆောင်ရွက်ခဲ့ပါတယ်။ ထိုင်းနိုင်ငံ ချူလာလောင်ကွန်တက္ကသိုလ် အာရှလေ့လာ ရေးဌာနက အကြီးတန်း သုသေသနမှူး Pornpimol က အဲ့ဒီလို သုံးသပ်ထားပါတယ်။

ထိုင်းနိုင်ငံ အနေနဲ့ကတော့ သူ့နိုင်ငံက သုံးစွဲနေတဲ့ သဘာဝဓာတ်ငွေ့ ပမာဏရဲ့ ၃၀% လောက်ကို မြန်မာနိုင် ငံက ၀ယ်ယူနေရတာ ဖြစ်တဲ့အတွက် မြန်မာနိုင်ငံနဲ့ ဆက်ဆံရေးကောင်းမွန်အောင် လုပ်ဖို့အပြင် တခြားရွေး ချယ်စရာ မရှိဘူးလို့ နိုင်ငံခြားရေးဝန်ကြီးဌာန အမြဲတမ်း အတွင်းဝန် Weerasak Futrakul က ဆိုပါတယ်။ “ထိုင်းနိုင်ငံရဲ့ နယ်စပ်ကုန်သွယ်ရေးဟာ မြန်မာနိုင်ငံနဲ့ ဆက်ဆံရေးကောင်းနေမယ်ဆိုရင် အများကြီးပိုအကျိုးရှိ မယ်ဆိုတာ သေချာပါတယ်။ ထိုင်းနယ်စပ်ဒေသမြို့တွေမှာ နေထိုင်နေတဲ့ လူဦးရေ သန်း ၃၀ လောက်ဟာ ထိုင်းကုန် ပစ္စည်းတွေကို စားသုံး သုံးစွဲနေကြတာဖြစ်လို့ နယ်စပ်ကုန်သွယ်ရေး ဂိတ်တွေပိုပြီး ဖွင့်နိုင်လေ ကျနော်တို့ရဲ့ ထုတ်ကုန်ပစ္စည်းတွေကို ရောင်းရလေပဲ” လို့ အိမ်နီးချင်းနိုင်ငံများနှင့် ကုန်သွယ်ရေး မြှင့်တင်ရေး ကော်မတီရဲ့ ဥက္ကဌဖြစ်သူ Niyom Wairatpanij က ထုတ်ဖော်ပြောကြားခဲ့ပါတယ်။

သူကတော့ နယ်စပ်ကုန်သွယ်ရေးဟာ မြန်မာစစ်အစိုးရကို လူနည်းလူမျိုးစု ပြဿနာတွေ ဖြေရှင်းနိုင်ရေးမှာ အထောက်အကူ ဖြစ်စေနိုင်တယ်လို့ ယုံကြည်ထားပါတယ်။ ကုန်သွယ်စီးပွား အကျိုးစီးပွားကာကွယ်ရေး အဓိကအမြင်ပေါ့လေ။ သုတေသနမှူး Pornpimol ကလည်း ထိုင်းနိုင်ငံအနေနဲ့ အထူးသဖြင့် သဘာဝဓာတ်ငွေ့ နဲ့ပတ်သက်ပြီး မြန်မာနိုင်ငံနဲ့ ကုန်သွယ်စီးပွား ဆက်လုပ်နေသရသမျှ ဆက်ဆံရေးကောင်းအောင် ထိန်းသိမ်း ထားဖို့ တည်ဆောက်ဖို့ကို ငြင်းပယ်လို့ မရနိုင်ဘူးဆိုတာကို သဘောတူညီပါတယ်။ ဒါပေမယ့် ထိုင်းနိုင်ငံအ နေနဲ့ သူ့ရဲ့ နိုင်ငံခြားရေးမူဝါဒမှာ အဲ့ဒီလို ကောင်းမွန်တဲ့ ဆက်ဆံရေး ဘယ်လိုတည်ဆောက်ရမယ်ဆိုတာ ဂရုတစိုက် စဉ်းစားဖို့ လိုအပ်မှာ ဖြစ်သလို နိုင်ငံတကာရဲ့အမြင်မှာ ယုံကြည်မှု ဆုံးရှူံးမသွားအောင်လည်း ဂရုစိုက်ဖို့ လိုအပ်တယ်လို့ ယူဆထားပါတယ်။

အိမ်နီးချင်းနိုင်ငံတွေကတော့ မြန်မာနိုင်ငံနဲ့ စစ်အစိုးရပေါ်မှာ ကျနော်အထက်မှာ တင်ပြခဲ့သလို သဘောထား နေပါတယ်။ မြန်မာနိုင်ငံ စစ်အစိုးရကတော့ လူနည်းစု တိုင်းရင်းသားလူမျိုးစုတွေကို စီးပွားရေး အကျုိးစီးပွား မက်လုံးတွေပေးရင်း စစ်အာဏာရှင်စနစ် တည်တန့်ခိုင်မြဲရေးအတွက် နယ်ရုပ်ကလေးတွေလို ကစားနေခဲ့၊ ကစားနေဆဲပဲ ဖြစ်ပါတယ်။ အဲ့ဒီစီးပွားရေး အကျိုးစီးပွားမက်လုံးတွေကိုပဲ ကျနော်တို့ရဲ့ လူနည်းစု တိုင်းရင်း သားလူမျိုးစုတွေက ကြည့်ပြီး လူမျိုးစုတွေရဲ့ ကိုယ်ပိုင်ပြဋ္ဌာန်းခွင့်တွေ အမျိုးသားတန်းတူညီမျှရေးတွေကို မျက်ကွယ်ပြုဖို့ သင့်မသင့်ဆိုတာကတော့ တိုင်းရင်းသားလူမျိုးစုတွေကိုယ်တိုင်ပဲ စဉ်းစားဆုံးဖြတ်ကြရမှာ ဖြစ် ပါတယ်။ ရပ်တည်ချက် ယုံကြည်ချက် ပြတ်ပြတ်သားသားနဲ့ စစ်အစိုးရကို ဆန့်ကျင်တိုက်ခိုက်နေတဲ့ တိုင်းရင်း သားလူမျိုးစု လက်နက်ကိုင်တွေကိုတော့ အထူးပြောစရာမလိုပါဘူး။ စစ်အာဏာရှင် ဗိုလ်ချုပ်တွေရဲ့ သဘော ထားအမှန်နဲ့ လက်တွေ့လုပ်ရပ်တွေကို အထူးပြောဆို သက်သေပြနေစရာ မလိုအောင်ဘဲ ထင်ထင်ရှားရှား သိမြင်ခဲ့ကြပြီး ဖြစ်ပါလိမ့်မယ်။

ကျနော်ကတော့ တတိုင်းပြည်လုံး စစ်ကျွန်အဖြစ် ဘ၀ဆုံးရမယ့်အရေးကို တွေးပြီး ရင်လေးမိပါတယ်။ ကိုယ် ကိုယ်တိုင်လည်း အဖြစ်မခံနိုင်သလို တိုင်းရင်းသားလူမျိုးအားလုံး မြန်မာနိုင်ငံသားအားလုံးကိုလည်း စစ်ကျွန် ဘ၀ မကျရောက်စေချင်ပါဘူး။ စစ်အာဏာရှင် ဖက်ဆစ်လက်သစ် လက်အောက်ကနေ လုံးဝလွတ်မြောက် ရေးအတွက် ဆင်နွဲနေတဲ့ တော်လှန်ရေးကြီးဟာ မပြီးဆုံးသေးပါဘူး။ ကုလသမဂ္ဂ၊ အာဆီယံနဲ့ နိုင်ငံတကာက ဘယ်လိုပဲ အကူအညီ ပေးနိုင်သည်ဖြစ်စေ မပေးနိုင်သည်ဖြစ်စေ ကျနော်တို့ ပြည်သူတွေကိုယ်တိုင် လွတ် မြောက်ရေးတိုက်ပွဲ ဆင်နွဲကြရမှာ ဖြစ်ပါတယ်။

မြန်မာနိုင်ငံ ကိုလိုနီနယ်ချဲ့ လက်အောက်က၊ ဖက်ဆစ်ဂျပန် လက်အောက်က လွတ်မြောက်ရအောင် ကျနော် တို့ ဘိုးဘေးတွေ အဖေတွေ နောင်တော့်နောင်တော်တွေ တိုက်ခိုက်ခဲ့ကြ ကိုယ်ကျိုးစွန့် အနစ်နာခံခဲ့ကြသလို အမျိုးသားစစ်အာဏာရှင်စံနစ်အောက်က အပြီးတိုင်လွတ်မြောက်ပြီး ဒီမိုကရေစီလူ့ဘောင်သစ် တည်ဆောက် နိုင်ရေးအတွက်လည်း ကျနော်တို့ မြန်မာနိုင်ငံက ဒီမိုကရေစီဘက်တော်သား နိုင်ငံရေးအင်အားစု၊ ကျောင်း သား၊ အလုပ်သမား၊ လယ်သမား ပြည်သူတွေအားလုံးက တညီတညွတ်တည်း ပေါင်းစည်းတိုက် ပွဲဝင်ကြ၊ စွန့်လွှတ်အနစ်နာခံကြရပါလိမ့်မယ်။ လက်နက်ရှိသူရော လက်နက်မရှိသူရော အကြမ်းနည်း အနုနည်း ရနိုင် သမျှ တော်လှန်ရေးနည်းနာတွေ အားလုံးကို အသုံးပြုပြီး တော်လှန်ရေးကြီးတရပ် မလွှဲမသွေ ဆင်နွှဲကရပါ လိမ့်မယ်။ အဲ့ဒါကြောင့် ၁။ စစ်အစိုးရ ပြုတ်ကျရေး၊ ၂။ စစ်အစိုးရ ပြုတ်ကျရေး၊ ၃။ စစ်အစိုးရ ပြုတ်ကျရေးသာ ဖြစ်ပါတယ်လို့ နှိုးဆော်တိုက်တွန်းလိုက်ပါတယ်။

စိုးနေလင်း

Ref; Ethnic Minorities Are Still Pawns of the Junta. (Subhatra Bhumiprabhas, The Nation)
Critics Skeptical of Burma’s retification of ASEAN Charter (Mungpi)

Print this post