အမေရိကန်နိုင်ငံမှစတင်ခဲ့သည့် ဘဏ္ဍာရေးအကြပ်အတည်းသည် နိုင်ငံတကာသို့လည်း ရိုက်ခတ်နေသည့်နည်းတူ ယင်းဖြစ်စဉ်ကာလ ကြာရှည် လာပါက မြန်မာနိုင်ငံအပေါ်၌လည်း သွယ်ဝိုက်သောနည်းဖြင့် သက်ရောက် လာနိုင်ဖွယ်ရှိ၍ ကြိုတင်ပြင်ဆင်ခြင်းဖြင့် ထိခိုက်မှုကို သက်သာစေမည်ဖြစ် ကြောင်း စီးပွားရေးပညာရှင်များက သုံးသပ်ကြသည်။
အမေရိကန်ငွေရေးကြေးရေးကိစ္စနှင့်ပတ်သက်ပြီး စီးပွားရေးဂယက်ရိုက်မှုတွေဟာ မြန်မာနိုင်ငံအပေါ်ကိ်ု အနည်းနဲ့အများဆိုသလို ရိုက်ခတ်မှုရှိ လာနိုင်သော်လည်း ရေတိုအခြေအနေမှာ ထိခိုက်မှုနည်းနေနိုင်ပေမယ့် လနဲ့ချီပြီးကြာလာရင် ဒီဖက်ပိုင်းကနေ ကြိုတင်ပြင်ဆင်မှုတွေရှိထားမှဖြစ်မယ်လို့ လည်း သုံးသပ်ခဲ့ကြသည်။ သွယ်ဝိုက်တဲ့နည်းလမ်းတွေဖြစ်တဲ့ ဥပမာ ပို့ကုန်လုပ်ငန်း ဈေးနှုန်းအတက်အကျကြမ်းတာ၊ ငွေလှယ်လဲလှယ်နှုန်း အပြောင်း အလဲဒဏ်၊ အဲဒီကမှတစ်ဆင့် ပြည်တွင်းကုန်ထုတ်လုပ်ငန်းတွေမှာ ငွေကြေးပြဿနာ ကြာရှည်နေနိုင် တယ်လို့လည်း စီးပွားရေးပညာရှင်များက ဆက်လက်သုံးသပ်ခဲ့ကြသည်။
မြန်မာနိုင်ငံမှာ Stock Market မရှိတဲ့အတွက် တိုက်ရိုက်မထိခိုက်နိုင်ဘူး။ ဒေါ်လာဈေးကျတာ၊ ရွှေဈေးကျတာက မူမမှန်ပေမယ့် ကောင်းတယ်လို့ တွက်လို့မရဘူး။ မြန်မာငွေဈေးတက်တာက အမေရိကန်ဒေါ်လာ Weak ဖြစ်တာပါဟု ဆရာမောင်ဝံသက ရှင်းပြခဲ့သည်။ “အကျပ်အတည်းက ဘယ်လောက်ကြာမှာလဲဆိုတဲ့အပေါ်မှာလည်း မူတည်တယ်။ ဘယ်အပိုင်းက စပြင်ဆင်ရမလဲ စောင့်ကြည့်သတိထားနေဖို့ အရေးကြီးတယ်။ ပြည်ပနဲ့ ချိတ်ဆက်လုပ်ကိုင်နေတဲ့ လုပ်ငန်းရှင်တွေအနေနဲ့လည်း အမြန်ပြီးပြတ်အောင် ဆောင်ရွက်ထားသင့်တယ်။ ဒါမှသာ ကိုယ့်ဘက်က နစ်နာမှုမရှိနိုင်အောင် ကာကွယ်နိုင်လိမ့်မယ်လို့ယူဆတယ်”ဟု ဒေါက်တာတင်လတ်က လည်းရှင်းပြခဲ့သည်။
“ပြည်တွင်းမှာလည်း ကြိုတင်ပြင်ဆင်သင့်ပါတယ်။ ဒီလို ထုတ်လုပ်မှုလုပ်ငန်းတွေကျဆင်းပြီဆိုရင် ဈေးကွက်သဘောအရ ထုတ်လုပ်သူက အခြားနိုင်ငံထုတ်လုပ်သူတွေနဲ့ ယှဉ်ပြိုင်နိုင်စွမ်းမရှိတာက အရေးပါလာပြီး နောက်စီးပွားရေးဝင်ရောက်လွယ်မှုရှိတာ မရှိတာ ဒါတွေကိုပြောတာ။ အစိုးရနဲ့ လုပ်ငန်းရှင်တွေ အခုပိုပြီး နားလည်မှုရှိဖို့လိုအပ်လာပါပြီ။ ဥပမာ- ကျွန်တော်တို့ အီးယူကို ပုစွန်ပို့တယ်။ အခုဝယ်လိုအားကျလို့ ပုစွန်ဈေး ကျဆင်းတယ်။ ဘင်္ဂလားဒေ့ရ်ှက အီးယူနိုင်ငံကို တင်ပို့ရင် အခွန်အားလုံးကင်းလွတ်တယ်။ ကျွန်တော်တို့ကို အီးယူက ၁၃.၇ ရာခိုင်နှုန်းကောက်တယ်။ တင်ပို့ခွန် ၁၀ ရာခိုင်နှုန်းနဲ့ပေါင်းရင် ၂၃.၇ ရာခိုင်နှုန်း ကျွန်တော်တို့ သူများထက်ပိုပြီး ကုန်ကျတယ်။ ယှဉ်ဖို့ခက်တဲ့အတွက် သူတို့နဲ့ယှဉ်နိုင်အောင် ပြင်ဆင် ထားသင့်တယ်။ အရေးကြီးတဲ့အချိန်မှာ အားလုံးစုစည်းပြီး ပြင်ဆင်တာက ထိခိုက်လာလည်း သက်သာမယ်လို့ကျွန်တော်ယုံကြည်တယ်။ ထိုင်းလိုပေါ့ ဆန်ကို ကျဈေးနဲ့မိမှာစိုးလို့ အခုကတည်းက ဈေးလျှော့ထိုးရောင်းလိုက်တယ်။ ဒါကကြိုတင် ပြင်ဆင်တာပဲ”ဟု ပို့ကုန်သွင်းကုန်လုပ်ငန်းရှင် တစ်ဦးမှ သုံးသပ်ခဲ့သည်။
မြန်မာနိုင်ငံထက် စီးပွားရေးပမာဏကြီးမားသည့် အိမ်နီးချင်းနိုင်ငံများတွင်ပင် ကြိုတင်ပြင်ဆင်မှုများပြုလုပ်လာကြရာ မြန်မာနိုင်ငံအနေဖြင့် လည်း ပြင်ဆင်မှုကို ဦးစားပေးဆောင်ရွက်သင့်သည်ဟု ဆက်လက်သုံးသပ်ခဲ့သည်။ မြန်မာနိုင်ငံ၏ စီးပွားရေးအနေအထားမှာ ထိုင်း၊ တရုတ်၊ အိန္ဒိယတို့ နှင့် စီးပွားရေးနှင့်နှိုင်းယှဉ်ပါက သေးငယ်သည်မှာမှန်သော်လည်း ထိခိုက်လာပါက ခံနိုင်ရည်အား ပိုမိုနည်းပါးနိုင်ပါသည်။ နိုင်ငံ့ထုတ်ကုန်များ ယိမ်းယိုင မသွားစေရန်အတွက် ကြိုတင်ပြင်ဆင်ခြင်းများ ထားရှိသင့်ကြောင်း ပညာရှင်များ၊ လုပ်ငန်းရှင်များက သုံးသပ်ခဲ့ကြသည်။
မြန်မာ့ရေးရာ သတင်းပဒေသာ (၄ ဖေဖော်ဝါရီ ၂၀၂၁)
3 years ago
0 comments:
Post a Comment